ಇಬ್ಬರು ಆರೋಪಿಗಳ ಬಂಧನ : ಹೊಸಂಗಡಿ ಜ್ಯುವೆಲ್ಲರಿ ದರೋಡೆ ಪ್ರಕರಣ

ಕಾಸರಗೋಡು: ಹೊಸಂಗಡಿಯ ಚಿನ್ನಾಭರಣ ಅಂಗಡಿಯೊಂದರಲ್ಲಿ ನಡೆದ ದರೋಡೆ ಪ್ರಕರಣಕ್ಕೆ ಸಂಬಂಧಿಸಿ ಇಬ್ಬರು ಆರೋಪಿಗಳನ್ನು ಮಂಜೇಶ್ವರ ಠಾಣೆ ಇನ್‌ಸ್ಪೆಕ್ಟರ್ ಕೆ.ರಾಜೀವ್‌ಕುಮಾರ್ ನೇತೃತ್ವದ ಪೊಲೀಸರು ಬಂಧಿಸಿದ್ದಾರೆ.

ಬಂಟ್ವಾಳ ತಾಲೂಕು ಪರಂಗಿಪೇಟೆ ನಿವಾಸಿ ಮಹಮ್ಮದ್ ಇಸ್ಮಾಯಿಲ್ ಹಾಗೂ ಮಹಮ್ಮದ್ ಗೋಸ್ ಬಂಧಿತರು. 2021 ಜುಲೈ 26ರಂದು ಏಳು ಮಂದಿಯ ತಂಡ ಹೊಸಂಗಡಿಯ ರಾಜಧಾನಿ ಜ್ಯುವೆಲ್ಲರಿ ಸೆಕ್ಯೂರಿಟಿ ಸಿಬ್ಬಂದಿಯ ಕೈಕಾಲು ಬಿಗಿದು, ಬಾಯಿಗೆ ಬಟ್ಟೆತುರುಕಿ ಗ್ಯಾಸ್‌ಕಟ್ಟರ್ ಬಳಸಿ ಬಾಗಿಲು ಒಡೆದು ಸುಮಾರು 9 ಲಕ್ಷ ರೂ. ಮೌಲ್ಯದ ಬೆಳ್ಳಿ ಆಭರಣ, ಎರಡೂವರೆ ಲಕ್ಷ ರೂ. ಮೌಲ್ಯದ ವಾಚು, ನಾಲ್ಕೂವರೆ ಲಕ್ಷ ರೂ. ನಗದು ದೋಚಿರುವ ಬಗ್ಗೆ ಮಂಜೇಶ್ವರ ಠಾಣೆ ಪೊಲೀಸರು ಕೇಸು ದಾಖಲಿಸಿಕೊಂಡಿದ್ದರು. ಪ್ರಕರಣಕ್ಕೆ ಸಂಬಂಧಿಸಿ ಈ ಹಿಂದೆ ಮೂವರನ್ನು ಬಂಧಿಸಲಾಗಿದ್ದು, ಇನ್ನೂ ಇಬ್ಬರು ಆರೋಪಿಗಳ ಪತ್ತೆ ನಡೆಯಬೇಕಾಗಿದೆ.

https://www.vijayavani.net/nagara-sabhe-bjp-dooru

https://www.vijayavani.net/felicitation-to-retired-soldier-vikram-j-n