ಅಶ್ವಾರೋಹಿ ಎಸ್ಪಿ

ತುಮಕೂರು: ಜಂಬೂಸವಾರಿಗೆ ಮೆರಗು ನೀಡಲು ಮೈಸೂರಿನ ಕರ್ನಾಟಕ ಪೊಲೀಸ್​ ಸಶಸ್ತ್ರ ಅಶ್ವಾರೋಹಿ ದಳ ಸೇರಿಕೊಂಡಿದೆ. ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಕೆ.ವಿ.ಅಶೋಕ್​, ಎಎಸ್ಪಿ ವಿ.ಮರಿಯಪ್ಪ, ಅಬ್ದುಲ್​ ಖಾದರ್​, ನಗರ ಡಿವೈಎಸ್ಪಿ ಚಂದ್ರಶೇಖರ್​ ಗುರುವಾರ ಕುದುರೆ ಏರಿ ನಗರದಲ್ಲಿ ಪ್ರದಣೆ ನಡೆಸಿದರು. ನಗರದ ಪ್ರಮುಖ ಬೀದಿಗಳಲ್ಲಿ ಸಾಗಿದ ಅಶ್ವಾರೋಹಿ ದಳದ ಪಥಸಂಚಲನವನ್ನು ಸಾರ್ವಜನಿಕರು ಕುತೂಹಲದಿಂದ ವೀಸಿದರು.

ವಿಂಟೇಜ್​ ಕಾರು ಪ್ರದರ್ಶನ

ತುಮಕೂರು ದಸರಾ ಉತ್ಸವಕ್ಕೆ ವಿಂಟೇಜ್​ ಕಾರುಗಳ ಸಂಭ್ರಮ ಇರಲಿದೆ. 35 ವಿಂಟೇಜ್​ ಕಾರುಗಳಿಗೆ ವಿಧಾನಸೌಧದ ಮುಂಭಾಗದಲ್ಲಿ ಅ.11 ಬೆಳಿಗ್ಗೆ 7-.30ಕ್ಕೆ ದೆಹಲಿ ವಿಶೇಷ ಪ್ರತಿನಿಧಿ ಟಿ.ಬಿ.ಜಯಚಂದ್ರ, ಶಾಸಕ ಡಾ.ಎಚ್​.ಡಿ.ರಂಗನಾಥ್​ ಚಾಲನೆ ನೀಡಲಿದ್ದಾರೆ. ಬೆಂಗಳೂರು ಗ್ರಾಮಾಂತರ ವಿಭಾಗದ ಜಂಟಿ ಸಾರಿಗೆ ಆಯುಕ್ತ ಎನ್​.ಜಿ. ಗಾಯಿತ್ರಿದೇವಿ, ಕರ್ನಾಟಕ ವಿಂಟೇಜ್​ ಆಂಡ್​ ಕ್ಲಾಸಿಕ್​ ಕಾರ್​ ಕ್ಲಬ್​ ಅಧ್ಯಕ್ಷ ಬಾಲ್​ ಚಂದ್​ ಎ ಯಡ್ಲಾಂ, ಉಪಾಧ್ಯಕ್ಷ ಪಿ.ಎ. ಸುರೇಶ್​ ಮತ್ತು ಕಾರ್ಯದರ್ಶಿ ಟಿ.ಆರ್​. ರಘುನಂದನ್​ ಉಪಸ್ಥಿತರಿರುವರು.

ಈ ವಿಂಟೇಜ್​ಗಳ ಕಾರುಗಳ ಪ್ರದರ್ಶನವನ್ನು ನಗರದ ಜೂನಿಯರ್​ ಕಾಲೇಜು ಮೈದಾನದಲ್ಲಿ ಏರ್ಪಡಿಸಲಾಗಿದೆ.