ಎಣ್ಣೆ ಕುಡಿಯಲು ಹೋದವನು ವಾಪಾಸು ಬರಲೇ ಇಲ್ಲ; ಸ್ಕೆಚ್​ ಹಾಕಿ ಕೊಲೆ ಮಾಡಿಸಿದಳಾ ಪತ್ನಿ?

ಸುನೀಲ್ ಪ್ರಸಾದ್ ಪತ್ನಿ ನಿರ್ಮಲಾ, ರಂಗಯ್ಯ ಹೆಸರಿನ ವ್ಯಕ್ತಿಯೊಂದಿಗೆ ಅನೈತಿಕ ಸಂಬಂಧ ಹೊಂದಿದ್ದಳು. ಈ ವಿಚಾರ ತಿಳಿದು ಗಂಡ ಸುನೀಲ್ ಪ್ರಸಾದ್ ಗಲಾಟೆ ಮಾಡಿದ್ದ. ಅದೇ ಕಾರಣದಿಂದಾಗಿ ನಿರ್ಮಲಾ ಗಂಡನ ಕೊಲೆಗೆ ಸ್ಕೆಚ್​ ಹಾಕಿದ್ದಾಳೆ. ಜನವರಿ 15 ರಂದು ಮದ್ಯಪಾನ ಮಾಡಿ ಬಾರ್ ಹೊರೆಗೆ ನಿಂತಿದ್ದ ಸುನೀಲ್ ಪ್ರಸಾದ್ ಮೇಲೆ ದಾಳಿ ನಡೆಸಲಾಗಿದೆ. ಆತನ ತಲೆಯ ಮೇಲೆ ಸಿಮೆಂಟ್ ಬ್ಲಾಕ್ ಎತ್ತಿಹಾಕಿ ರಂಗಯ್ಯ ಕೊಲೆ ಮಾಡಿದ್ದಾನೆ. ಈ ಸಂಬಂಧ ತುಮಕೂರು ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಇದೀಗ ಆರೋಪಿ ರಂಗಯ್ಯ ಹಾಗೂ ಸುನೀಲ್ ಪತ್ನಿ ನಿರ್ಮಲಳನ್ನು ಬಂಧಿಸಲಾಗಿದೆ. (ದಿಗ್ವಿಜಯ ನ್ಯೂಸ್​)