ಡಿಕೆಶಿ ವಿರುದ್ಧ ಸಿದ್ಧರಾಮಯ್ಯ ಟೀಂ ಖೆಡ್ಡಾ; ವಿರೋಧ ಪಕ್ಷದ ಮುಖಂಡ ಆರ್.ಅಶೋಕ್

ತುಮಕೂರು: ಲೋಕಸಭೆ ಚುನಾವಣೆ ಬಳಿಕ ಕಾಂಗ್ರೆಸ್ ಸರ್ಕಾರ ಬಿದ್ದುಹೋಗಲಿದೆ ಎಂದು ವಿರೋಧ ಪಕ್ಷದ ನಾಯಕ ಆರ್.ಅಶೋಕ್‌ಭವಿಷ್ಯ ನುಡಿದರು.

ಶನಿವಾರ ರಾತ್ರಿ ಸಿದ್ಧಗಂಗಾ ಮಠಕ್ಕೆ ಭೇಟಿ ನೀಡಿ ಡಾ.ಶಿವಕುಮಾರಸ್ವಾಮೀಜಿ ಗದ್ದುಗೆಯ ದರ್ಶನ ಪಡೆದು, ಶ್ರೀಸಿದ್ಧಲಿಂಗಸ್ವಾಮೀಜಿ ಆಶಿರ್ವಾದ ಪಡೆದ ನಂತರ ಸುದ್ದಿಗಾರರ ಜತೆ ಮಾತನಾಡಿದರು.

ಸಿದ್ದರಾಮಯ್ಯ ಅವರನ್ನು ಅಧಿಕಾರದಿಂದ ಇಳಿಸೊದಕ್ಕೆ ಡಿ.ಕೆ.ಶಿವಕುಮಾರ್ ಅವರ ಗುಂಪು ಪಿತೂರಿ ನಡೆಸುತ್ತಿದೆ, ಇನ್ನೊಂದು ಕಡೆ ಡಿಕೆಶಿ ಅವರನ್ನ ಸಿಕ್ಕಿ ಹಾಕಿಸಲು ಸಿದ್ದರಾಮಯ್ಯ ಹಾಗೂ ಪರಮೇಶ್ವರ್ ಒಟ್ಟಾಗಿದ್ದಾರೆ. ನಾಲ್ಕು ಜನರು ಸೇರಿ ಡಿಕೆಶಿಗೆ ಖೆಡ್ಡಾ ತೋಡಿದ್ದಾರೆ ಎಂದರು.