ಏಷ್ಯದಲ್ಲಿಯೇ ಅತೀ ದೊಡ್ಡ ಅಕ್ವಡಿಕ್ಟ್​ ತುಮಕೂರಿನಲ್ಲಿ

ತುಮಕೂರು: ಬಯಲು ಸೀಮೆಯ ತುಮಕೂರು, ಚಿಕ್ಕಬಳ್ಳಾಪುರ, ಕೋಲಾರ ಜಿಲ್ಲೆಗಳಿಗೆ ಕುಡಿಯುವ ನೀರು ಒದಗಿಸಲು ವಿಜೆಎನ್​ಎಲ್​ ವತಿಯಿಂದ ರೂಪಿಸಿರುವ ಅಕ್ವಡಿಕ್ಟ್​ ಏಷ್ಯದಲ್ಲಿಯೇ ಗಮನ ಸೆಳೆದಿದೆ ಎಂದು ಡಿಸಿಎಂ ಡಿ.ಕೆ.ಶಿವಕುಮಾರ್​ ಹೇಳಿದರು.

ಯುಕೆಪಿ ನೀರಾವರಿ ಯೋಜನೆಯಲ್ಲಿ 500 ಕ್ಯೂಸೆಕ್​ ಸಾಮಾರ್ಥ್ಯದ 12ಕಿಮೀ ಅಕ್ವಡೆಕ್ಟ್​ ಮಾಡಿದ್ದೇವೆ, ಎತ್ತಿನಹೊಳೆ ಯೋಜನೆಯಲ್ಲಿ ತುಮಕೂರು ಜಿಲ್ಲೆಯಲ್ಲಿ 10 ಕಿಮೀ ಎರಡು ಲೈನ್​ ನಲ್ಲಿ 3600 ಕ್ಯೂಸೆಕ್​ ನೀರು ಹರಿಯಲಿದೆ. ಚೀನಾದಲ್ಲಿಯೂ 11ಕಿಮೀ ಇದೆ ಆದರೆ ಅದು 40 ಅಡಿ ಎತ್ತರದಲ್ಲಿ ನಮ್ಮದು 129 ಅಡಿ ಎತ್ತರದಲ್ಲಿದೆ ಎಂದರು.

ತುಮಕೂರು ಜಿಲ್ಲೆಯ ಚೇಳೂರು ಭಾಗದಲ್ಲಿರುವ ಅಕ್ವಡೆಕ್ಟ್​ 4.75 ಮೀ. ಅಗಲ, 20 ಎತ್ತರದಲ್ಲಿದ್ದು ಸುತ್ತಲಿನ ತೆಂಗಿನತೋಟ ವೀಕ್ಷಿಸಲು ನಯನ ಮನೋಹರವಾಗಿದೆ, ಪ್ರವಾಸೋದ್ಯಮಕ್ಕೆ ಬಳಸಿಕೊಳ್ಳಬೇಕಿದೆ ಎಂದರು.

ನಾಲೆ ಕಾಮಗಾರಿಗೆ 55000 ಮೆಟ್ರಿಕ್​ ಟನ್​ ಕಬ್ಬಿಣ ಹಾಗೂ ಬರೋಬ್ಬರಿ 4 ಲಕ್ಷ ಕ್ಯೂಬಿಕ್​ ಮೀಟರ್​ ಕಾಂಕ್ರಿಟ್​ ಬಳಸಲಾಗಿದೆ, 10 ಕಿಮೀ ಅಕ್ವಡೆಕ್ಟ್​ ನಿಮಾರ್ಣಕ್ಕೆ 1300 ಕೋಟಿ ರೂ ವೆಚ್ಚ ಮಾಡಲಾಗಿದೆ ಎಂದು ತಿಳಿಸಿದರು.