ಜಿಲ್ಲೆಯಲ್ಲಿ ಗುರುವಾರ ಭರ್ಜರಿ ಮಳೆ ಸಾಧ್ಯತೆ

ತುಮಕೂರು: ಜಿಲ್ಲೆಯಾದ್ಯಂತ ಮೇ.14ರಿಂದ 18ರ ವರೆಗೂ ಹಗುರದಿಂದ ಸಾಧಾರಣ ಮಳೆಯಾಗುವ ಸಂಭವವಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಮೇ.15ರಂದು ಜಿಲ್ಲೆಯಲ್ಲಿ ಭರ್ಜರಿ ಮಳೆ ಬೀಳುವ ಸೂಚನೆಯಿದ್ದು ಜನರು ಜಾಗರೂಕರಾಗಿರಬೇಕಿದೆ.

ಗಾಳಿ ಗಂಟೆಎ 5.0&9.0ಕಿಮೀ ವೇಗದಲ್ಲಿ ಬೀಸುವ ಸಂಭವವಿದ್ದು ಗರಿಷ್ಟ ಉಷ್ಣಾಂಶ 30.3ಡಿಗ್ರಿ&34.0ಡಿಗ್ರಿ ಮತ್ತು ಕನಿಷ್ಟ 22.0ಯಿಂದ 23.0ಡಿಗ್ರಿ ಸೆಲ್ಸಿಯಸ್​, ಬೆಳಗಿನ ಆದ್ರತೆ ಪ್ರಮಾಣ ಶೇ.73&80 ಇದ್ದು ಮಧ್ಯಾಹ್ನ 31&33 ಇರುವ ಸಾಧ್ಯತೆಯಿದೆ.

ಮೇ.15ರಂದು ಗುರುವಾರ ಚಿಕ್ಕನಾಯಕನಹಳ್ಳಿಯಲ್ಲಿ 25ಮಿಮೀ, ಗುಬ್ಬಿ 23.3, ಕೊರಟಗೆರೆ 26.8, ಕುಣಿಗಲ್​ 21.6, ಮಧುಗಿರಿ 19.2, ಪಾವಗಡ 5.1, ಶಿರಾ 8.5, ತಿಪಟೂರು 27.6, ತುಮಕೂರು 28.3 ಹಾಗೂ ತುರುವೇಕೆರೆ ತಾಲುಕಿನಲ್ಲಿ 4.0ಮಿಮೀ ಮಳೆಯಾಗುವ ಸಾಧ್ಯತೆಯಿದೆ. ಮಂಗಳವಾರ ಜಿಲ್ಲೆಯ ಬಹುತೇಕ ಕಡೆಗಳಲ್ಲಿ ಸಾಧಾರಣ ಮಳೆ ಸುರಿದ್ದು, ಬುಧವಾರ ಕೂಡ ಎಲ್ಲೆಡೆ ಮಳೆಯಾಗುವ ಸಾಧ್ಯತೆಯಿದೆ.