13 ಕಡೆ ಪಿಂಚಣಿ ಅದಾಲತ್​

ತುಮಕೂರು:ವಿವಿಧ ಸಾಮಾಜಿಕ ಭದ್ರತಾ ಯೋಜನೆಗಳ ಪರಿಣಾಮಕಾರಿ ಅನುಷ್ಠಾನಕ್ಕಾಗಿ ನ.5ರಂದು ಜಿಲ್ಲೆಯ 13 ಗ್ರಾಮ ಪಂಚಾಯತಿಗಳಲ್ಲಿ ಪಿಂಚಣಿ ಅದಾಲತ್​ ಹಮ್ಮಿಕೊಳ್ಳಲಾಗಿದೆ.

ಈ ಅದಾಲತ್​ನಲ್ಲಿ ಪಿಂಚಣಿಗೆ ಸಂಬಂಧಿಸಿದಂತೆ ಫಲಾನುಭವಿಗಳ ಕುಂದು-ಕೊರತೆ ಆಲಿಸಿ ಪರಿಹರಿಸಲು ಕ್ರಮ ಕೈಗೊಳ್ಳಲಾಗುವುದು ಎಂದು ಜಿಲ್ಲಾಧಿಕಾರಿ ಶುಭಕಲ್ಯಾಣ್​ ಭರವಸೆ ನೀಡಿದ್ದಾರೆ.

ನವೆಂಬರ್​ 5ರಂದು ಜಿಲ್ಲೆಯ ಶಿರಾ ತಾಲೂಕು ದೊಡ್ಡಬಾಣಗೆರೆ, ತುರುವೇಕೆರೆ ತಾಲೂಕು ಮಾವಿನಕೆರೆ, ತಿಪಟೂರು ತಾಲೂಕು ಬಜಗೂರು, ಮಧುಗಿರಿ ತಾಲೂಕು ಚಂದ್ರಗಿರಿ, ತುಮಕೂರು ತಾಲೂಕು ಗಳಿಗೇನಹಳ್ಳಿ ಹಾಗೂ ನಿಡುವಳಲು. ಚಿಕ್ಕನಾಯಕನಹಳ್ಳಿ ತಾಲೂಕು ಯಳನಡು ಹಾಗೂ ಬೆಳಗುಲಿ, ಕುಣಿಗಲ್​ ತಾಲೂಕು ಅಮೃತೂರು ಹಾಗೂ ತರೆದಕುಪ್ಪೆ, ಕೊರಟಗೆರೆ ತಾಲೂಕು ಹಂಚಿಹಳ್ಳಿ, ಪಾವಗಡ ತಾಲೂಕು ಕೆ.ಟಿ.ಹಳ್ಳಿ, ಗುಬ್ಬಿ ತಾಲೂಕು ಹಾಗಲವಾಡಿ ಗ್ರಾಪಂ ಪಿಂಚಣಿ ಅದಾಲತ್​ ನಡೆಯಲಿದೆ.