ಡಿಸಿಗೆ ಇಳಕಲ್​ ಸೀರೆ ಕೊಡಿಸಿದ ಡಾ.ಜಿ.ಪರಮೇಶ್ವರ

ತುಮಕೂರು: ಜಿಲ್ಲಾ ಉಸ್ತುವಾರಿ ಸಚಿವ ಡಾ.ಜಿ.ಪರಮೇಶ್ವರ ಸಿರಿಧಾನ್ಯ ಮೇಳದಲ್ಲಿ ಜಿಲ್ಲಾಧಿಕಾರಿ ಶುಭಕಲ್ಯಾಣ್​ ಹಾಗೂ ತುಮಕೂರು ಮಹಾನಗರ ಪಾಲಿಕೆ ಆಯುಕ್ತೆ ಬಿ.ವಿ.ಅಶ್ವಿಜಾ ಅವರಿಗೆ ಇಳಕಲ್​ ಸೀರೆ ಕೊಡಿಸಿದರು.

ಮೇಳ ಉದ್ಘಾಟಿಸಿದ ಪರಮೇಶ್ವರ ಇಳಕಲ್​ ಸೀರೆ ಅಂಗಡಿಗೆ ಬಂದು 1500ರೂ. ಬೆಲೆಯ ನೀಲಿ ಬಣ್ಣದ ಸೀರೆಯನ್ನು ಜಿಲ್ಲಾಧಿಕಾರಿ ಶುಭಕಲ್ಯಾಣ್​ ಅವರಿಗೆ ಹಾಗೂ ಅಷ್ಟೇ ಬೆಲೆಯ ಪಿಂಕ್​ ಬಣ್ಣದ ಮತ್ತೊಂದು ಸೀರೆಯನ್ನು ಅಶ್ವಿಜಾ ಅವರಿಗೆ ಸಂಕ್ರಾತಿ ಉಡುಗರೆಯಾಗಿ ನೀಡಿದರು.

ಅಶ್ವಿಜಾ ಅವರು ಸ್ಥಳದಲ್ಲಿರದಿದ್ದರೂ ಅವರ ಪತಿ ಜಿಲ್ಲಾ ಪೊಲೀಸ್​ ಅಧೀಕ್ಷಕ ಕೆ.ವಿ.ಅಶೋಕ್​ ಅವರಿಂದ ಪತ್ನಿಯ ಇಷ್ಟದ ಬಣ್ಣ ತಿಳಿದು ಕೊಡಿಸಿದ್ದು ಮೇಳದಲ್ಲಿ ಗಮನ ಸೆಳೆಯಿತು.