ಕಬಡ್ಡಿ ವಿಭಾಗ ಮಟ್ಟಕ್ಕೆ ಹೆಬ್ಬೂರು ವಿದ್ಯಾರ್ಥಿನಿಯರು

ತುಮಕೂರು: ಹೆಬ್ಬೂರು ಸರ್ಕಾರಿ ಪ್ರೌಢಶಾಲಾ ಬಾಲಕಿಯರು ಜಿಲ್ಲಾ ಮಟ್ಟದ ಕಬಡ್ಡಿ ಪಂದ್ಯಾವಳಿಯಲ್ಲಿ ಉತ್ತಮ ಪ್ರದರ್ಶನ ತೋರಿ , ದ್ವೀತಿಯ ಸ್ಥಾನ ಪಡೆದು ತಂಡದ ಐವರು ವಿಭಾಗ ಮಟ್ಟಕ್ಕೆ ಆಯ್ಕೆಯಾದರು.

ತಿಪಟೂರಿನಲ್ಲಿ ನಡೆದ ಮೊದಲೆರಡು ಪಂದ್ಯದಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ್ದ ಬಾಲಕಿಯರು ಫೈನಲ್​ ಪಂದ್ಯದಲ್ಲಿ ತುರುವೇಕೆರೆ, ಅಜ್ಜನಹಳ್ಳಿ ಸರ್ಕಾರಿ ಪ್ರೌಢಶಾಲಾ ತಂಡದ ಬಾಲಕಿಯರ ಎದುರು ಸ್ವಲ್ಪದರಲ್ಲಿ ಎಡವಿ ದ್ವೀತಿಯ ಸ್ಥಾನಕ್ಕೆ ತೃಪ್ತಿಪಟ್ಟರು.

ಹೆಬ್ಬೂರು ಶಾಲೆಯ ಮಮತ, ಅಮೂಲ್ಯ, ಮತ್ತು ಗುರುರಾಜೇಶ್ವರಿ ಗಮನ ಸೆಳೆಯುವ ಪ್ರದರ್ಶನದಿಂದ ವಿಭಾಗ ಮಟ್ಟಕ್ಕೆ ಆಯ್ಕೆಯಾದರು. ಇವರೊಟ್ಟಿಗ ಆಡಿದ ಶೇಕ್​ ಸುಹಾನ ಮತ್ತು ಫಿರ್​ ದೋಸ್​ ಕೂಡ ವಿಭಾಗ ಮಟ್ಟಕ್ಕೆ ಆಯ್ಕೆಯಾದರು.

ವಿಭಾಗ ಮಟ್ಟಕ್ಕೆ ಆಯ್ಕೆಯಾದ ಮಕ್ಕಳನ್ನು ಶಾಲೆಯ ಮುಖ್ಯ ಶಿಕ್ಷಕ ಮೋಹನ್​, ದೈಹಿಕ ಶಿಕ್ಷಣ ಶಿಕ್ಷಕಿ ಆಶಾ, ಎಸ್​ಡಿಎಂಸಿ ಅಧ್ಯಕ್ಷರು, ಸದಸ್ಯರು ಅಭಿನಂದಿಸಿದ್ದಾರೆ.