25 ರಂದು ತುಮಕೂರು ಜಿಲ್ಲೆ ಬಂದ್​

ತುಮಕೂರು: ಹೇಮಾವತಿ ಎಕ್ಸ್​ಪ್ರೆಸ್​ ಲಿಂಕ್​ ಕೆನಾಲ್​ ಯೋಜನೆ ಹೋರಾಟ ತೀವ್ರ ಸ್ವರೂಪ ಪಡೆದುಕೊಂಡಿದೆ. ಜೂ.25 ರಂದು ತುಮಕೂರು ಜಿಲ್ಲಾ ಬಂದ್​ಗೆ ಹೇಮಾವತಿ ನೀರಾವರಿ ಹೋರಾಟ ಸಮಿತಿ ಕರೆ ನೀಡಿದೆ. ಹೋಟೆಲ್​ ಅಸೋಸಿಯೇಷನ್​, ಬೀದಿಬದಿ ವ್ಯಾಪಾರಿಗಳ ಸಂ, ಧಾನ್ಯ ವರ್ತಕರ ಸಂ, ಆಟೋ, ಟ್ಯಾಕ್ಸಿ ವಾಹನ ಚಾಲಕರ ಸಂ ಸೇರಿದಂತೆ ವಿವಿಧ ರೈತ ಹಾಗೂ ಕನ್ನಡ ಪರ ಸಂಟನೆಗಳು ಸ್ವಯಂ ಘೋಷಿತ ಬಂದ್​ ಮೂಲಕ ನೀರಾವರಿ ಹೋರಾಟಕ್ಕೆ ಬೆಂಬಲ ಸೂಚಿಸಿವೆ.

ಶ್ರೀರಂಗ ಕುಡಿಯುವ ನೀರಿನ ಏತ ನೀರಾವರಿ ಯೋಜನೆಗೆ ಎಕ್ಸ್​ಪ್ರೆಸ್​ ಲಿಂಕ್​ ಕೆನಾಲ್​ ಮೂಲಕ ಹೇಮೆ ನೀರು ಹರಿಸುವ ಯೋಜನೆ ವಿರುದ್ಧ ಜಿಲ್ಲೆಯಾದ್ಯಂತ ಹೋರಾಟ ರೂಪಿಸಿ ತಡೆಯೊಡ್ಡಿದ್ದರೂ ಬೇರೆ ಬೇರೆ ರೀತಿಯಲ್ಲಿ ಪೈಪ್​ಲೈನ್​ ಕಾಮಗಾರಿಯನ್ನು ಕೈಗೆತ್ತಿಕೊಳ್ಳುತ್ತಿರುವುದು ನಮ್ಮನ್ನು ಮತ್ತಷ್ಟು ಕೆರಳಿಸಿದೆ. ಹಾಗಾಗಿ, ಈ ಯೋಜನೆ ರದ್ದು ಪಡಿಸುವಂತೆ ಹೋರಾಟವನ್ನು ಮತ್ತಷ್ಟು ತೀವ್ರಗೊಳಿಸಿದ್ದು ಸ್ವಯಂ ಘೋಷಿತವಾಗಿ ತುಮಕೂರು ಜಿಲ್ಲಾ ಬಂದ್​ ಗೆ ಕರೆ ನೀಡಲಾಗಿದೆ. ಶಾಂತಿಯುತ ಬಂದ್​ಗೆ ಏನಾದರೂ ಅಡ್ಡಿಪಡಿಸಿದರೆ ಮುಂದಾಗುವ ಪರಿಣಾಮಕ್ಕೆ ಸರ್ಕಾರವನೇ ಹೊಣೆಯಾಗಲಿದೆ ಎಂದು ಹೇಮಾವತಿ ನೀರಾವರಿ ಹೋರಾಟ ಸಮಿತಿ ಅಧ್ಯಕ್ಷ ಸೊಗಡುಶಿವಣ್ಣ ನಗರದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಎಚ್ಚರಿಸಿದರು.

ಜಿಲ್ಲೆಯ ಎಲ್ಲ ಸಂಘ ಸಂಸ್ಥೆಗಳು ನಾಗರಿಕರು ರೈತ ಪರ, ಕನ್ನಡಪರ, ಮಹಿಳಾ ಸಂಘಟನೆಗಳು, ಆಟೋ ಚಾಲಕರ ಸಂಘದವರು, ಅಮಾಲಿ ಸಂಘದವರು, ಗುತ್ತಿಗೆದಾರರ ಸಂಘ, ಅಂಗಡಿ ಮಾಲೀಕರ ಸಂಘ, ಲಾರಿ ಚಾಲಕರ ಸಂಘ, ಅಕ್ಕಿ ಗಿರಣಿಯ ಮಾಲೀಕರ ಸಂಘ, ಶಾಲಾ ಕಾಲೇಜುಗಳ ಮುಖ್ಯಸ್ಥರು ಒಟ್ಟಾರೆ ಪಕ್ಷಾತಿತವಾಗಿ ಜಾತ್ಯತಿತವಾಗಿ ಈ ಹೋರಾಟಕ್ಕೆ ಬೆಂಬಲ ಸೂಚಿಸಿದ್ದಾರೆ. ಶಾಂತಿಯುತ ಬಂದ್​ನಲ್ಲಿ ಜಿಲ್ಲೆಯ ಎಲ್ಲಾ ರಾಜಕೀಯ ಪಕ್ಷಗಳು ಭಾಗವಹಿಸುವಂತೆ ಮನವಿ ಮಾಡಿದರು.

ಸುದ್ದಿಗೋಷ್ಠಿಯಲ್ಲಿ ಎಪಿಎಂಸಿ ಮಾಜಿ ಅಧ್ಯಕ್ಷ ಪಂಚಾಕ್ಷರಯ್ಯ, ಬೆಳಗುಂಬ ಪ್ರಭಾಕರ್​, ಕನ್ನಡ ಸೇನೆ ಜಿಲ್ಲಾಧ್ಯಕ್ಷ ಧನಿಯಾಕುಮಾರ್​, ಹೋಟೆಲ್​ ಅಸೋಸಿಯೇಷನ್​ನ ವಾಸುದೇವಶೆಟ್ಟಿ, ಟ.ಜಿ.ವೇದಮೂರ್ತಿ, ಗುರುಪ್ರಕಾಶ್​ ಬಳ್ಳುಕರಾಯ, ಕೆ.ಪಿ.ಮಹೇಶ್​, ಎಸ್​. ರಾಮಚಂದ್ರರಾವ್​, ರಾ.ವೀರೇಶ್​ಪ್ರಸಾದ್​, ಜಿ. ದೇವರಾಜು, ಭದ್ರೇಗೌಡ, ಕೆ.ವಿ.ಬೆಟ್ಟಯ್ಯ, ಬಸವರಾಜು, ಜುಬೇರ ಷಫಿ, ರಾಜಣ್ಣ, ಎನ್​. ಅರುಣ್​ಕುಮಾರ್​, ಷಬ್ಬೀರ್​ಅಹಮದ್​, ಸೋಮಶೇಖರ್​, ಚಂದ್ರರ್ಕಿತಿ, ತರಕಾರಿ ಮಹೇಶ್​, ಕಾಫೀಪುಡಿ ರಾಜಣ್ಣ, ಬಡ್ಡಿಹಳ್ಳಿ ಚಂದ್ರು, ಗೋಕುಲ್​ ಮಂಜುನಾಥ್​, ಶಶಿಧರ್​ ಮತ್ತಿತರರು ಉಪಸ್ಥಿತರಿದ್ದರು.