ಆರ್ಥಿಕ ನೆರವಿಗಾಗಿ ನೇಕಾರರಿಂದ ಅರ್ಜಿ

ತುಮಕೂರು: ಕೈಮಗ್ಗ ಮತ್ತು ಜವಳಿ ಇಲಾಖೆ ವಾರ್ಷಿಕ 5000 ರೂ. ಆರ್ಥಿಕ ನೆರವು ನೀಡಲು ಅರ್ಹ ಕೈಮಗ್ಗ ಮತ್ತು ವಿದ್ಯುತ್​ ಮಗ್ಗದ ನೇಕಾರರಿಂದ ಅರ್ಜಿ ಆಹ್ವಾನಿಸಿದೆ.

ನೇಕಾರರ ಸಮ್ಮಾನ್​ ಯೋಜನೆಯಡಿ ನೋಂದಣಿಯಾಗಿರುವ ಕೈಮಗ್ಗ ನೇಕಾರರು, ಮಗ್ಗ ಪೂರ್ವ ನೇಕಾರರು, ಮಗ್ಗ ಪೂರ್ವ ಚಟುವಟಿಕೆ ಮಾಡುತ್ತಿರುವ ವಿದ್ಯುತ್​ ಮಗ್ಗ ಹಾಗೂ ಕೈಮಗ್ಗ ನೇಕಾರರು, ಕಾರ್ಮಿಕರು ಈ ನೆರವನ್ನು ಪಡೆಯಬಹುದಾಗಿದೆ.

ಆಸಕ್ತರು ಅರ್ಜಿ ಭರ್ತಿ ಮಾಡಿ ಅಗತ್ಯ ದಾಖಲೆಗಳೊಂದಿಗೆ ಅ.19ರೊಳಗಾಗಿ ಉಪ ನಿರ್ದೇಶಕರ ಕಚೇರಿ, ಕೈಮಗ್ಗ ಮತ್ತು ಜವಳಿ ಇಲಾಖೆ, 5ನೇ ಕ್ರಾಸ್​, ಸಿದ್ದಗಂಗಾ ಬಡಾವಣೆ, ತುಮಕೂರು. ಇವರಿಗೆ ಸಲ್ಲಿಸಬೇಕು. ಮಾಹಿತಿಗೆ ದೂ.0816- 2275370 ಸಂಪರ್ಕಿಸಿ.

ಕೈಮಗ್ಗ ನೇಕಾರರು ತಮ್ಮ ಅರ್ಜಿಯೊಂದಿಗೆ ಆಧಾರ್​ ಚೀಟಿ, ಪಡಿತರ ಚೀಟಿ, ನೇಕಾರ ಸಮ್ಮಾನ್​ ಐಡಿ, ಪೆಹಚಾನ್​ ಕಾರ್ಡ್​, ಆಧಾರ ಲಿಂಕ್ಡ್​ ಹಾಗೂ ಎನ್​ಪಿಸಿಐ ಮ್ಯಾಪಿಂಗ್​ ಇರುವ ಬ್ಯಾಂಕ್​ಪಾಸ್​ ಬುಕ್​ ಪ್ರತಿ, ಕೈಮಗ್ಗ ನೇಕಾರಿಕೆ ವೃತ್ತಿಯಲ್ಲಿರುವ ಫೋಟೋ, ಕೈಮಗ್ಗದಲ್ಲಿ ಕಾರ್ಯನಿರ್ವಹಿಸುವ ಕೂಲಿ ನೇಕಾರರ ಮಜೂರಿ ಪಾವತಿಸಿದ ರಶೀದಿ ಲಗತ್ತಿಸಬೇಕು.

ವಿದ್ಯುತ್​ ಮಗ್ಗ ನೇಕಾರರು ತಮ್ಮ ಅರ್ಜಿಯೊಂದಿಗೆ ಘಟಕದ ಮಾಲೀಕರು, ನೇಕಾರರು, ಕಾರ್ಮಿಕರ ಆಧಾರ ಲಿಂಕ್ಡ್​ ಹಾಗೂ ಎನ್​ಪಿಸಿಐ ಮ್ಯಾಪಿಂಗ್​ ಇರುವ ಬ್ಯಾಂಕ್​ ಪಾಸ್​ ಬುಕ್​ ಪ್ರತಿ, ವಿದ್ಯುತ್​ ಮಗ್ಗ ಘಟಕದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಫಲಾನುಭವಿ ಫೋಟೋ, ವಿದ್ಯುತ್​ ಸಂಪರ್ಕ ಹೊಂದಿರುವ ಆರ್​.ಆರ್​.ನಂ ವಿದ್ಯುತ್​ ಬಿಲ್​, ಘಟಕದ ಉದ್ಯೋಗ ಆಧಾರ, ಪಿಎಂಟಿ, ಉದ್ದಿಮೆದಾರರ ಪರವಾನಿಗೆ ಪತ್ರದ ಪ್ರತಿ, ಘಟಕದಲ್ಲಿ ಕಾರ್ಯನಿರ್ವಹಿಸುವ ನೇಕಾರರು, ಕಾರ್ಮಿಕರ ವಿವರಗಳನ್ನೊಳಗೊಂಡ ಮಜೂರಿ ಪಾವತಿಯ ಪ್ರತಿ, ಮಾಲೀಕರಿಂದ ನೇಕಾರರು, ಕಾರ್ಮಿಕರ ಬಗ್ಗೆ ದೃಢೀಕರಣ ಪತ್ರ ಮತ್ತಿತರ ದಾಖಲೆ ಲಗತ್ತಿಸಬೇಕು.