ಹಾಲೋ ಬ್ಲಾಕ್​ ತುಂಬಿದ್ದ ಕ್ಯಾಂಟರ್​ ಮುಗುಚಿ ಇಬ್ಬರ ಮೃತ್ಯು

ಆನೇಕಲ್​: ಚಾಲಕನ ನಿಯಂತ್ರಣ ತಪ್ಪಿ ಹಾಲೋ ಬ್ಲಾಕ್​ ತುಂಬಿದ್ದ ಕ್ಯಾಂಟರ್​ ಒಂದು ಮುಗುಚಿದ ಪರಿಣಾಮ ಇಬ್ಬರು ಕಾರ್ಮಿಕರು ಮೃತಪಟ್ಟಿರುವ ಘಟನೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಆನೇಕಲ್​ ತಾಲ್ಲೂಕಿನ ಜಿಗಣಿ ಪೊಲೀಸ್​ ಠಾಣಾ ವ್ಯಾಪ್ತಿಯ ಕುಪ್ಪಸಿದ್ದನ ದೊಡ್ಡಿ ಬಳಿ ನಡೆದಿದೆ.

ಮೃತರನ್ನು ಬಿಹಾರ ಮೂಲದ ಅಖಿಲೇಶ್(28) ಮಿಥಿಲೇಶ್(30) ಎಂದು ಗುರುತಿಸಲಾಗಿದ್ದು, ರತ್ನಂ ಪ್ಲೋರಿಂಗ್​ ಕಂಪನಿಗೆ ಸೇರಿದ್ದ ಕ್ಯಾಂಟರ್​ ಪಲ್ಟಿಯಾಗಿ ಅವಘಡ ಸಂಭವಿಸಿದೆ.

ಇದನ್ನೂ ಓದಿ: ಅಕ್ರಮ ಹಣ ವರ್ಗಾವಣೆ; ಹೀರೋ ಮೋಟೋ ಕಾರ್ಪ್​ ಮುಖ್ಯಸ್ಥ ಪವನ್​ ಮುಂಜಾಲ್​ ಮನೆ ಮೇಲೆ ED ದಾಳಿ

ರತ್ನಂ ಪ್ಲೋರಿಂಗ್​ಗೆ ಸೇರಿದ್ದ ಲಾರಿಯು ಹಾಲೋಬ್ಲಾಕ್​ಗಳನ್ನು ತುಂಬಿಕೊಂಡು ಸಾಗುವ ವೇಳೆ ಆನೇಕಲ್​ ತಾಲ್ಲೂಕಿನ ಜಿಗಣಿ ಪೊಲೀಸ್​ ಠಾಣಾ ವ್ಯಾಪ್ತಿಯ ಕುಪ್ಪಸಿದ್ದನ ದೊಡ್ಡಿ ಬಳಿ ಚಾಲಕನ ನಿಯಂತ್ರಣ ತಪ್ಪಿ ಮುಗುಚಿದೆ.

ಲಾರಿ ಮುಗುಚಿದ ಪರಿಣಾಮ ಅದರಲ್ಲಿದ್ದ ಹಾಲೋ ಬ್ಲಾಕ್​ಗಳು ಏಕಾಏಕಿ ಬಿದ್ದ ಪರಿಣಾಮ ಓರ್ವ ಕಾರ್ಮಿಕ ಸ್ಥಳದಲ್ಲೇ ಅಸುನೀಗಿದ್ದಾನೆ. ಗಂಭೀರವಾಗಿ ಗಾಯಗೊಂಡಿದ್ದ ಮತ್ತೋರ್ವ ಕಾರ್ಮಿಕನನ್ನು ಆಸ್ಪತ್ರೆಗೆ ಸಾಗಿಸುವ ಮಾರ್ಗ ಮಧ್ಯೆ ಮೃತಪಟ್ಟಿದ್ದಾನೆ. ಸ್ಥಳಕ್ಕೆ ಭೇಟಿ ನೀಡಿದ ಜಿಗಣಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

https://www.vijayavani.net/mentally-unstable-woman-assaulted-over-religious-messages

https://www.vijayavani.net/death-toll-rises-to-5-after-clash-broke-out-in-harayana