ಕೋಲಸಿರ್ಸಿ- ಹಾರ್ಸಿಕಟ್ಟಾ- ಗೋಳಿಮಕ್ಕಿ ರಸ್ತೆ, ಹೇರೂರು- ಸರಕುಳಿ ರಸ್ತೆ, ಸಿದ್ದಾಪುರ- ಕುಮಟಾ ರಸ್ತೆ, ಬಿದ್ರಕಾನ- ಬಿಳಗಿ ರಸ್ತೆ, ಮೆಣಸಿ- ಲಂಬಾಪುರ ರಸ್ತೆ, ಸಿದ್ದಾಪುರ- ಶಿರಸಿ ರಸ್ತೆಯ ತ್ಯಾಗ್ಲಿ ಕಾನಸೂರು ನಡುವೆ ಹೀಗೆ ಹಲವು ರಸ್ತೆಗಳಲ್ಲಿ ಹಾಗೂ ಎನ್ಎಚ್ ರಸ್ತೆಯಾಗಿರುವ ಮನಮನೆ- ಜೋಗ, ಮಾವಿನಗುಂಡಿ- ಹೊನ್ನಾವರ ಮಾರ್ಗದಲ್ಲಿ ಅಪಾಯದಲ್ಲಿರುವ ಅಕೇಶಿಯಾ ಹಾಗೂ ಕೆಲವು ಕಾಡುಜಾತಿಯ ಮರಗಳು ರಸ್ತೆಯತ್ತ ಬಾಗಿಕೊಂಡಿವೆ. ಕೆಲವು ಮಾರ್ಗದಲ್ಲಿ ಸಾರಿಗೆ ಬಸ್ಗಳಿಗೆ ತಾಗುವಂತಿರುವುದರಿಂದ ಚಾಲಕರು ಎಚ್ಚರಿಕೆಯಿಂದ ವಾಹನವನ್ನು ಚಲಾಯಿಸುತ್ತಿದ್ದಾರೆ.
ಈಗಾಗಲೇ ಶಾಸಕ ಭೀಮಣ್ಣ ನಾಯ್ಕ ಅವರು ಪ್ರಗತಿ ಪರಿಶೀಲನಾ ಸಭೆಯಲ್ಲಿ ತಹಸೀಲ್ದಾರ್ ಅವರಿಗೆ ಹಾಗೂ ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಅಪಾಯದಲ್ಲಿರುವ ಮರಗಳನ್ನು ಗುರುತಿಸಿ ತೆರವುಗೊಳಿಸುವಂತೆ ಸೂಚನೆ ನೀಡಿ, ತಿಂಗಳೇ ಕಳೆದರೂ ಯಾವುದೇ ಪ್ರಗತಿ ಕಂಡುಬಂದಿಲ್ಲ. ಸಂಬಂಧಪಟ್ಟ ಇಲಾಖೆಗಳು ಏನು ಮಾಡುತ್ತಿದೆ. ಜೀವ ಹಾನಿ ಆದ ಮೇಲೆ ಎಚ್ಚರಗೊಳ್ಳುತ್ತಾರೆಯೇ ಎಂದು ಸಾರ್ವಜನಿಕರು ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ.
