ಹಳದಿ ಹಾದಿಯಿಂದ ಟ್ರಾಫಿಕ್​ ರಿಲೀಫ್

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು

ರಾಜಧಾನಿಯಲ್ಲಿ 40ಕ್ಕೂ ಅಧಿಕ ಕಡೆ ಸಂಚಾರ ಸಿಕ್ಕಿನ ಸಮಸ್ಯೆ ಇದ್ದು, ಇದೀಗ ನಮ್ಮ ಮೆಟ್ರೋದ ಹಳದಿ ಮಾರ್ಗ ಆರಂಭಗೊಂಡ ಬಳಿಕ ನಗರದ ದಣ ಭಾಗದಲ್ಲಿ ವಾಹನ ದಟ್ಟಣೆ ಸಮಸ್ಯೆಗೆ ಕೊಂಚ ಪರಿಹಾರ ಲಭಿಸಿದೆ. ಎಲೆಕ್ಟ್ರಾನಿಕ್ಸ್​ ಸಿಟಿ ಮಾರ್ಗದ ಸಿಲ್ಕ್​ಬೋರ್ಡ್​ ಸೇರಿದಂತೆ ವಿವಿಧ ಜಂಕ್ಷನ್​ ಹಾಗೂ ರಸ್ತೆಗಳಲ್ಲಿ ಸುಮಾರು ಶೇ.25ರಷ್ಟು ಟ್ರಾಫಿಕ್​ ಸಮಸ್ಯೆ ಇಳಿಕೆ ಕಂಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಆರ್​. ವಿ. ರಸ್ತೆಯಿಂದ ಡೆಲ್ಟಾ ಎಲೆಕ್ಟ್ರಾನಿಕ್ಸ್​ ಬೊಮ್ಮಸಂದ್ರದವರೆಗೆ 19.15 ಕಿಮೀ ಉದ್ದದ ಹಳದಿ ಮಾರ್ಗದಲ್ಲಿ ಸರಾಸರಿ 90 ಸಾವಿರದಿಂದ 1 ಲಕ್ಷದ ವರೆಗೆ ಪ್ರಯಾಣಿಕರ ಸಂಖ್ಯೆ ಹೆಚ್ಚಾಗಿದ್ದು, ದಿನದಿನಕ್ಕೆ ಈ ಸಂಖ್ಯೆ ಏರುಗತಿಯಲ್ಲೇ ಸಾಗುತ್ತಿದೆ. ಈಗ ರೈಲುಗಳ ಸಂಖ್ಯೆ ಕಡಿಮೆ ಇದ್ದು, ರೈಲುಗಳ ಅಂತರ 25 ನಿಮಿಷ ಇದ್ದರೂ, ಜನ ಮೆಟ್ರೋ ಪ್ರಯಾಣವೇ ಸೂಕ್ತ ಎಂದು ಮುಗಿಬೀಳುತ್ತಿರುವುದು ಸಾಮಾನ್ಯ ದೃಶ್ಯ. ಮುಂದಿನ ದಿನಗಳಲ್ಲಿ ತ್ವರಿತ ಸಂಚಾರ ಪ್ರಾರಂಭವಾದರೆ, ಈ ಮಾರ್ಗದಲ್ಲಿ ಅಂದಾಜು 3 ಲಕ್ಷ ಮಂದಿ ಮೆಟ್ರೋದಲ್ಲಿ ಪ್ರಯಾಣಿಸುವ ನಿರೀೆ ಇದ್ದು, ಈ ಭಾಗದ ಸಂಚಾರ ಸಿಕ್ಕಿಗೆ ಶಾಶ್ವತ ಪರಿಹಾರ ದೊರಕುವ ನಿರೀೆ ಇದೆ.

ದಟ್ಟಣೆಯ ಅವಧಿಯಲ್ಲಿ (ಪೀಕ್​ ಅವರ್ಸ್​) ಸಾಲುಗಟ್ಟಿ ನಿಲ್ಲುತ್ತಿದ್ದ ವಾಹನಗಳು ಇದೀಗ ಅದೇ ಜಂಕ್ಷನ್​ ಹಾಗೂ ರಸ್ತೆಗಳಲ್ಲಿ ಸುಗಮವಾಗಿ ಚಲಿಸುತ್ತಿವೆ.

'ನಮ್ಮ ಮೆಟ್ರೊ'ದ ಹಳದಿ ಮಾರ್ಗದಲ್ಲಿ ಪ್ರಯಾಣಿಕರ ಸಂಖ್ಯೆ ಏರುತ್ತಿದ್ದಂತೆ ಇತ್ತ, ಖಾಸಗಿ ವಾಹನಗಳಲ್ಲಿ ರಸ್ತೆಗೆ ಇಳಿಯುತ್ತಿರುವವರ ಸಂಖ್ಯೆ ಕಡಿಮೆಯಾಗುತ್ತಿದೆ. ರಾಗಿಗುಡ್ಡ, ಜಯದೇವ ಆಸ್ಪತ್ರೆ ಜಂಕ್ಷನ್​, ಸೆಂಟ್ರಲ್​ ಸಿಲ್ಕ್​ ಬೋರ್ಡ್​, ಹೊಂಗಸಂದ್ರ, ಕೂಡ್ಲುಗೇಟ್​, ಹೊಸರೋಡ್​, ಹೆಬ್ಬಗೋಡಿ, ಬೊಮ್ಮಸಂದ್ರ ಭಾಗದಲ್ಲಿ ಅತೀ ಹೆಚ್ಚು ಸಂಚಾರ ಸಿಕ್ಕಿನ ಸಮಸ್ಯೆ ಇತ್ತು. ಅದರಲ್ಲೂ ಎಲೆಕ್ಟ್ರಾನಿಕ್ಸ್​ ಸಿಟಿಯಲ್ಲಿ ವಾಹನಗಳು ಸಾಲುಗಟ್ಟಿ ನಿಲ್ಲುತ್ತಿದ್ದವು. ಆದರೆ, ಈಗ ಇಲ್ಲಿನ ವಾತಾವರಣ ಬದಲಾಗಿದೆ.

ಹಳದಿ ಮಾರ್ಗದ ಆರಂಭದಿಂದ ನಮ್ಮ ಮೆಟ್ರೋ ಜಾಲವು 96 ಕಿ.ಮೀ.ಗೆ ವಿಸ್ತರಣೆಯಾಗಿದೆ. ಈ ಮಾರ್ಗವು ಐಟಿ ಕಾಎಇಡಾರ್​ ಎಂದು ಕರೆಸಿಕೊಳ್ಳುವ ಮೂಲಕ ಇಲ್ಲಿರುವ ಐ.ಟಿ. ಕಂಪನಿಗಳಿಗೆ ಸಂಪರ್ಕಿಸುವಲ್ಲಿ ಯಶಸ್ವಿಯಾಗಿದೆ.

ಮೆಟ್ರೋ ಪ್ರಯಾಣಕ್ಕೆ ಉತ್ತೇಜನೆ

ಸೆಂಟ್ರಲ್​ ಸಿಲ್ಕ್​ ಬೋರ್ಡ್​ ಹಾಗೂ ಎಲೆಕ್ಟ್ರಾನಿಕ್ಸ್​ ಸಿಟಿ ಭಾಗದಲ್ಲಿ ಜಂಕ್ಷನ್​ಗಳನ್ನು ದಾಟುವುದಕ್ಕೆ ಹರಸಾಹಸ ಪಡಬೇಕಿತ್ತು. ಹಳದಿ ಮಾರ್ಗ ಆರಂಭವಾದ ಬಳಿಕ ಸಮಸ್ಯೆಗೆ ಇಲಿನ ಪ್ರಮುಖ ಜಂಕ್ಷನ್​ಗಳಲ್ಲಿ ಟ್ರಾಫಿಕ್​ ರಿಲ್​ೀ ಕಾಣುತ್ತಿದೆ. ಅಲ್ಲದೆ, ಸುತ್ತಮುತ್ತಲಿನ ಕೈಗಾರಿಕೆಯ ಕಾರ್ಮಿಕರು, ಐಟಿ ಉದ್ಯೋಗಿಗಳು ಸಾರ್ವಜನಿಕ ಸಂಪರ್ಕ ವ್ಯವಸ್ಥೆಯನ್ನು ಉಪಯೋಗಿಸಲು ಮುಂದಾಗುತ್ತಿದ್ದಾರೆ. ಕಂಪನಿ ಮುಖ್ಯಸ್ಥರು ಹಾಗೂ ಕೈಗಾರಿಕೆ ಉದ್ಯಮಿಗಳು ಮೆಟ್ರೋ ಪ್ರಯಾಣಕ್ಕೆ ಉತ್ತೇಜನೆ ನೀಡುತ್ತಿರುವುದು ಉತ್ತಮ ಬೆಳವಣಿಗೆ.