ರಾಧಾಕೃಷ್ಣ, ರಾಮಸೀತೆ, ಲಕ್ಷ್ಮೀ ದೇವಿ, ಗೋಮಾತೆ, ಶಿವ, ಬುದ್ಧ ಸೇರಿ ಧಾರ್ಮಿಕ ಹಿನ್ನೆಲೆಯ ಗೊಂಬೆಗಳು ರಾರಾಜಿಸುತ್ತಿವೆ. ಇದಲ್ಲದೆ ಆನೆ, ಕುದುರೆ, ನವಿಲು, ಹೂದಾನಿ ಅಂತಹ ಮನೆಯ ಅಲಂಕಾರಕ್ಕೆ ಬಳಸುವ ಗೊಂಬೆಗಳ ಖರೀದಿಗೆ ಜನ ಮುಗಿಬಿದ್ದಿದ್ದು ಕಂಡುಬಂದಿತು. ಜಾತ್ರೆಯಲ್ಲಿ ಗೊಂಬೆ ಮಾರಾಟ ಮಾಡುವವರಲ್ಲಿ ಹೆಚ್ಚಿನವರು ರಾಜಸ್ಥಾನದ ಮೂಲದವರಾಗಿದ್ದರು. ಬದುಕು ಕಟ್ಟಿಕೊಳ್ಳಲು ಕುಲಕಸುಬಾದ ಗೊಂಬೆ ತಯಾರಿಕೆಯನ್ನು ಈಗಲೂ ವೃತ್ತಿಯನ್ನಾಗಿ ಮಾಡಿಕೊಂಡಿದ್ದೇವೆ. ಇದುವೇ ನಮ್ಮ ಜೀವನಕ್ಕೆ ಆಧಾರ. ತವರು ರಾಜ್ಯ ಬಿಟ್ಟು ಬೆಂಗಳೂರಿಗೆ ಬಂದು ನೆಲೆಯೂರಿದ್ದೇವೆ. ವಿವಿಧ ಬಗೆಯ ಬಣ್ಣಗಳ ಗೊಂಬೆ, ದೇವರ ಮೂರ್ತಿಗಳನ್ನು ತಯಾರಿಸಿ ಮಾರಾಟಕ್ಕೆ ಜನರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ ಎನ್ನುತ್ತಾರೆ ಗೊಂಬೆ ವ್ಯಾಪಾರಿ ಕೃಷ್ಣ.
