ತಂಬಾಕು ಬ್ಯಾರನ್ ಕುಸಿದು ನಷ್ಟ

ಹುಣಸೂರು: ವಾರದಿಂದ ಸುರಿಯುತ್ತಿರುವ ಸತತ ಮಳೆಗೆ ರೈತರೊಬ್ಬರ ತಂಬಾಕು ಹದಗೊಳಿಸುವ ಬ್ಯಾರನ್ ಕುಸಿದುಬಿದ್ದಿದೆ.

ತಾಲೂಕಿನ ಹಿರೀಕ್ಯಾತನಹಳ್ಳಿ ಗ್ರಾಮದ ಎಚ್.ಟಿ.ಮಹದೇವ್ ಅವರ ಸಿಂಗಲ್ ಬ್ಯಾರನ್(13*13 ಅಳತೆ) ಮಂಗಳವಾರ ರಾತ್ರಿ ನೆಲಕ್ಕಚ್ಚಿದೆ. ಪಕ್ಕದಲ್ಲೇ ವಾಸದ ಮನೆಯಲ್ಲಿ ರಾತ್ರಿ ಮಲಗಿದ್ದ ವೇಳೆ ಗೋಡೆ ಬಿದ್ದಿದ್ದರೂ ವಾಸದ ಮನೆ ಮೇಲೆ ಬೀಳದ ಕಾರಣ ಯಾವುದೇ ಪ್ರಾಣಾಪಾಯವಾಗಿಲ್ಲ. ತಂಬಾಕು ಹದಗೊಳಿಸುವ ಸಮಯದಲ್ಲಿ ಬ್ಯಾರನ್ ಮನೆ ಬಿದ್ದಿರುವುದು ರೈತನಿಗೆ ಸಂಕಷ್ಟ ತಂದಿದೆ.