ನಗರ ಪ್ರದೇಶದಲ್ಲಿ ಬೀದಿನಾಯಿಯಷ್ಟೇ ಅಲ್ಲದೇ ಬಿಡಾಡಿ ಪ್ರಾಣಿಗಳ ಹಾವಳಿ ಜೋರಾಗಿದೆ. ಬಿಡಾಡಿ ಹಸುಗಳು, ನಾಯಿಗಳು, ಕೋತಿಗಳು, ಹಂದಿಗಳು ಹಾಗೂ ಕುದುರೆಗಳ ಉಪಟಳ ತೀವ್ರವಾಗಿದೆ. ಹಲವು ಬಡಾವಣೆಗಳಲ್ಲಿ ಹಂದಿಗಳ ಹಾವಳಿ ಹೆಚ್ಚಾಗಿದ್ದರೆ, ಕೆಲ ಬಡಾವಣೆಗಳಲ್ಲಿ ಕೋತಿಗಳ ಕಾಟ ವಿಪರೀತ. ಇನ್ನೂ ಕೆಲವೆಡೆ ಬಿಡಾಡಿ ಕುದುರೆಗಳು ಗುಂಪು ಗುಂಪಾಗಿ ರಸ್ತೆಯಲ್ಲಿ ಸಂಚರಿಸುವುದು, ರಸ್ತೆ ತುಂಬಾ ನಿಲ್ಲುವುದರಿಂದ ವಾಹನ ಸಂಚಾರಕ್ಕೆ ಅಡ್ಡಿಯಾಗುತ್ತಿದೆ. ಕಾರು ಮತ್ತು ಬೈಕ್ಗಳಿಗೆ ಕುದುರೆಗಳು ಅಡ್ಡ ಬಂದು ಸಾಕಷ್ಟು ಸಮಸ್ಯೆ ಸೃಷ್ಟಿ ಎದುರಿಸುವಂತಾಗಿದೆ. ಬೆಂಗಳೂರು- ಮೈಸೂರು ಹೆದ್ದಾರಿ ಸೇರಿ ನಗರದ ಪ್ರಮುಖ ವಾಣಿಜ್ಯ ಪ್ರದೇಶ ಎನಿಸಿರುವ ಎಂಜಿ ರಸ್ತೆಯಲ್ಲಿ ಬಿಡಾಡಿ ದನಗಳ ಕಾಟ ಹೆಚ್ಚಾಗಿದೆ.
