ಕೈಕಾಲು ತೊಳೆಯಲು ನದಿಗಿಳಿದ ಯುವಕರು ನೀರುಪಾಲು; ಮೂವರು ಕಾರ್ಮಿಕರ ಸಾವು

ಉಡುಪಿ: ಕೆಲಸ ಮುಗಿಸಿ ಕೈಕಾಲು ತೊಳೆಯಲೆಂದು ನದಿಗಿಳಿದ ಮೂವರು ಯುವಕರು ನೀರುಪಾಲಾಗಿ ಮೃತಪಟ್ಟಿದ್ದಾರೆ. ಕ್ಯಾಲ್ವಿನ್ ಕ್ಯಾಸ್ತಾಲಿನೊ (21), ಜಾಬೀರ್ (18) ಮತ್ತು ರಿಜ್ವಾನ್ (28) ಮೃತಪಟ್ಟ ಕಾರ್ಮಿಕರು.

ಉಡುಪಿ ಜಿಲ್ಲೆಯ ಶಿರ್ವದ ಪಾಂಬೂರು ಕಬೆಡಿ ಎಂಬಲ್ಲಿ ಈ ದುರ್ಘಟನೆ ಸಂಭವಿಸಿದೆ. ಕೆಲಸಕ್ಕೆ ತೆರಳಿದ್ದ ಈ ಯುವಕರು ಅಲ್ಲಿಂದ ಮರಳುವಾಗ ಕೈಕಾಲು ತೊಳೆಯಲು ನದಿಗೆ ಇಳಿದಿದ್ದರು. ಆದರೆ ಇವರು ನೀರಿಗಿಳಿದು ಈಜಲು ಹೋದ ಜಾಗದಲ್ಲಿ ಆಳವಾದ ಗುಂಡಿ ಇದ್ದ ಕಾರಣ ಮುಳುಗಿ ಮೃತಪಟ್ಟಿದ್ದಾರೆ.

ಮೃತಪಟ್ಟವರು ಶಂಕರಪುರ ಸುಭಾಷ್​ನಗರದ ನಿವಾಸಿಗಳು. ಶಿರ್ವ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

https://www.vijayavani.net/father-covid-patient-at-india-daughter-staying-at-us-seeks-help-on-twitter/

https://www.vijayavani.net/dont-argue-with-police-here-is-the-reason/