ಜೆ.ಸಿ.ನಗರದ ಬೆಸ್ಸಂನ್ ಟೌನ್ ನಿವಾಸಿ ಧನುಷ್ ಅಲಿಯಾಸ್ ಡಿಡಿ (18) ಬಂಧಿತ. ಚಿಕ್ಕ ವಯಸ್ಸಿನಲ್ಲೇ ಮದ್ಯ, ಡ್ರಗ್ಸ್, ಧೂಮಪಾನ ವ್ಯಸನಿಯಾದ ಧನುಷ್, ವ್ಯಾಸಂಗವನ್ನು ಅರ್ಧಕ್ಕೆ ಬಿಟ್ಟಿದ್ದನು. ದುಷ್ಚಟಗಳಿಗೆ ಹಣ ಹೊಂದಿಸಲು ಅಡ್ಡದಾರಿ ಹಿಡಿದ ಆರೋಪಿ ಮೊಬೈಲ್ ಕಳ್ಳತನಕ್ಕೆ ಇಳಿದಿದ್ದ. ಕೆ.ಆರ್.ಪುರ, ಚಾಮರಾಜಪೇಟೆ, ಅಶೋಕನಗರ, ಸಂಜಯನಗರ, ಹೆಬ್ಬಾಳ, ಕೆ.ಜಿ.ಹಳ್ಳಿ. ಸದಾಶಿವನಗರ ಸೇರಿದಂತೆ ನಗರದ ವಿವಿಧೆಡೆ ಧನುಷ್ ತನ್ನ ಸ್ನೇಹಿತನ ಜತೆ ಬೈಕ್ನಲ್ಲಿ ಸುತ್ತಾಡುತ್ತಿದ್ದ. ನಿರ್ಜನ ಪ್ರದೇಶದಲ್ಲಿ ಒಂಟಿಯಾಗಿ ಓಡಾಡುವ ಅಡ್ಡಗಟ್ಟಿ ಮೊಬೈಲ್ ಸುಲಿಗೆ ಮಾಡುತ್ತಿದ್ದರು. ಇಲ್ಲವಾದರೆ, ದಾರಿಹೋಕರು ಮೊಬೈಲ್ ನಲ್ಲಿ ಸಂಭಾಷಣೆ ಮಾಡಿಕೊಂಡು ಹೋಗುತ್ತಿದ್ದರೇ ಏಕಾಏಕಿ ಕಸಿದುಕೊಂಡು ಹೋಗುತ್ತಿದ್ದರು.ಇತ್ತೀಚೆಗೆ ಸಂಜಯನಗರದಲ್ಲಿ ಅನುಮಾನಾಸ್ಪದವಾಗಿ ಧನುಷ್ ಓಡಾಡುತ್ತಿದ್ದ. ಮಫ್ತಿಯಲ್ಲಿದ್ದ ಪೊಲೀಸರು ಆರೋಪಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಹಲವು ಮೊಬೈಲ್ ಗಳು ಪತ್ತೆಯಾಗಿವೆ. ಮೊಬೈಲ್ ಗಳ ಬಗ್ಗೆ ಯಾವುದೇ ಮಾಹಿತಿ ಕೊಟ್ಟಿಲ್ಲ. ಕೊನೆಗೆ ಠಾಣೆಗೆ
