ನವದೆಹಲಿ: ರಾಷ್ಟ್ರ ರಾಜಧಾನಿ ನವದೆಹಲಿ ಸೇರಿ ದೇಶದ ಹಲವು ಭಾಗಗಳಲ್ಲಿ ಕರೊನಾ ಸೋಂಕು ಗಣನೀಯ ಪ್ರಮಾಣದಲ್ಲಿ ಏರಿಕೆ ಕಾಣಲಾರಂಭಿಸಿದೆ. ಆ ಹಿನ್ನೆಲೆಯಲ್ಲಿ ನವದೆಹಲಿಯಲ್ಲಿ ಒಂದು ವಾರದ ಕಾಲ ಲಾಕ್ಡೌನ್ ಘೋಷಣೆ ಮಾಡಲಾಗಿದೆ. ಇಂದು ರಾತ್ರಿಯಿಂದ ಏಪ್ರಿಲ್ 26ರವರೆಗೆ ಲಾಕ್ಡೌನ್ ಇರಲಿದ್ದು, ಈ ಸಮಯದಲ್ಲಿ ಏನೆಲ್ಲ ಸೌಲಭ್ಯ ಲಭ್ಯವಿರುತ್ತದೆ ಎನ್ನುವುದಕ್ಕೆ ಇಲ್ಲಿದೆ ಮಾಹಿತಿ..
ನಿರ್ಬಂಧ ಯಾವುದಕ್ಕೆ?
* ದೇವಸ್ಥಾನಗಳು, ಧಾರ್ಮಿಕ ಸ್ಥಳಗಳನ್ನು ತೆರೆಯಲು ಅನುಮತಿ ನೀಡಲಾಗಿದೆಯಾದರೂ ಭಕ್ತಾದಿಳಿಗೆ ಅನುಮತಿ ಇರುವುದಿಲ್ಲ
* ಎಲ್ಲ ಖಾಸಗಿ ಸಂಸ್ಥೆಗಳು ಕಡ್ಡಾಯವಾಗಿ ವರ್ಕ್ ಫ್ರಂ ಹೋಂ ಮಾಡಿಸಬೇಕು
* ಅಗತ್ಯ ಸೇವೆ, ವೈದ್ಯಕೀಯ ವಲಯಕ್ಕೆ ಸಂಬಂಧಪಟ್ಟ ರಾಜ್ಯ ಕಚೇರಿಗಳನ್ನು ಹೊರೆತುಪಡಿಸಿ ಬೇರೆಲ್ಲ ರಾಜ್ಯ ಸರ್ಕಾರಿ ಕಚೇರಿಗಳನ್ನು ಮುಚ್ಚಲಾಗುವುದು
* ಮದುವೆ ಸಮಾರಂಭಗಳಿಗೆ 50 ಜನರು ಹಾಗೂ ಅಂತ್ಯಕ್ರಿಯೆಗಳಲ್ಲಿ 20 ಜನರಿಗೆ ಮಾತ್ರ ಅವಕಾಶ
* ಮಾಲ್ಗಳು, ಸಿನಿಮಾ ಹಾಲ್ಗಳು, ಶಾಪಿಂಗ್ ಕಾಂಪ್ಲೆಕ್ಸ್ಗಳು, ಸ್ವಿಮ್ಮಿಂಗ್ ಪೂಲ್ಗಳು, ರೆಸ್ಟೋರೆಂಟ್ಸ್, ಸೆಲೂನ್, ಜಿಮ್ಗಳು ಮತ್ತು ಸ್ಪಾಗಳನ್ನು ಸಂಪೂರ್ಣವಾಗಿ ಮುಚ್ಚಲಾಗುತ್ತದೆ
* ಸಾಮಾಜಿಕ, ರಾಜಕೀಯ, ಕ್ರೀಡಾ ಕಾರ್ಯಕ್ರಮಗಳಿಗೆ ಅನುಮತಿಯಿಲ್ಲ
* ರಾಷ್ಟ್ರೀಯ ಕ್ರೀಡೆಗಳನ್ನು ವೀಕ್ಷಕರಿಲ್ಲದೆ ನಡೆಸತಕ್ಕದ್ದು
ಇವರಿಗಿಲ್ಲ ನಿರ್ಬಂಧ:
* ಆಹಾರ, ದಿನಸಿ, ಹಣ್ಣು ತರಕಾರಿ ಅಂಗಡಿ, ಡೇರಿ, ಹಾಲಿನ ಬೂತ್ಗಳು, ಮೀನು ಮತ್ತು ಮಾಂಸ, ಮೆಡಿಕಲ್ಗಳು, ಪತ್ರಿಕೆ ವಿತರಣಾ ಕೇಂದ್ರಗಳು
* ಬ್ಯಾಂಕ್, ಇನ್ಶುರೆನ್ಸ್ ಆಫೀಸ್, ಎಟಿಎಂಗಳು
* ಟೆಲಿಕಮ್ಯುನಿಕೇಷನ್, ಇಂಟರ್ನೆಟ್ ಸರ್ವೀಸ್, ಕೇಬಲ್ ಸರ್ವೀಸ್ ಮತ್ತು ಐಟಿ ಸಂಬಂಧಪಟ್ಟ ಸೇವೆಗಳು
* ಪೆಟ್ರೋಲ್ ಬಂಕ್ಗಳು, ಎಲ್ಪಿಜಿ, ಸಿಎನ್ಸಿ, ಪೆಟ್ರೋಲಿಯಂ ಮತ್ತು ಗ್ಯಾಸ್ ರೀಟೆಲ್ ಮತ್ತು ಸ್ಟೋರೇಜ್ ಕೇಂದ್ರಗಳು
* ನೀರಿನ ಸೌಲಭ್ಯ, ಪವರ್ ಜನರೇಷನ್, ಕೋಲ್ಡ್ ಸ್ಟೋರೇಜ್ ಮತ್ತು ವಾಟರ್ಹೌಸ್ ಸೇವೆ
* ಖಾಸಗಿ ಸೆಕ್ಯುರಿಟಿ ಸವೀರ್ಸ್
* ಅಗತ್ಯ ವಸ್ತುಗಳ ಉತ್ಪಾದನಾ ಘಟಕಗಳು
ಸಾವಿನ ದವಡೆಗೆ ನೂಕುವ ಕ್ರಿಮಿ…. ಮತ್ತೆ ಸುದ್ದಿಯಲ್ಲಿ ಬಿಗ್ಬಾಸ್ ಸ್ಪರ್ಧಿ ಚೈತ್ರಾ ಕೋಟೂರು