ಯಾವುದೇ ಸೂಚನೆ ನೀಡದೆ ಆ.6ರಂದು ಮೇಲಧಿಕಾರಿಗಳ ಆದೇಶವಿದೆ ಎಂದಿರುವ ಸಿಬ್ಬಂದಿ ಅಮೃತನಗರದ 12 ಮನೆಗಳ ವಿದ್ಯುತ್, ನೀರಿನ ಸಂಪರ್ಕ ಕಡಿದು ಹಾಕಿದ್ದಾರೆ. ಎಲ್ಲರು ತಿರುವೈಲು ಶಾಲೆಯಲ್ಲಿ ತೆರೆಯಲಾಗಿರುವ ಕಾಳಜಿ (ಗಂಜಿ) ಕೇಂದ್ರಕ್ಕೆ ತೆರಳಬೇಕು. ಇಲ್ಲವೇ ಬಾಡಿಗೆ ಮನೆಗಳಿಗೆ ಸ್ಥಳಾಂತರವಾಗಬೇಕು ಎಂದು ಮನಪಾ ನೋಟಿಸ್ನಲ್ಲಿ ಸೂಚಿಸಲಾಗಿದೆ. ಆ.3ರಂದು ಸ್ಥಳಕ್ಕೆ ಭೇಟಿ ನೀಡಿದ್ದ ಅಧಿಕಾರಿಯೊಬ್ಬರು, ಹಗಲು ಹೊತ್ತು ಮನೆಯಲ್ಲಿದ್ದು, ರಾತ್ರಿ ಮಾತ್ರ ಕಡ್ಡಾಯವಾಗಿ ಮನೆ ಖಾಲಿ ಮಾಡಬೇಕು ಎಂದಿದ್ದರು. ಈಗ ನೀರು, ವಿದ್ಯುತ್ ಸಂಪರ್ಕ ಕಡಿದು ಹಾಕಿರುವುದರಿಂದ ಮನೆಗಳಲ್ಲಿ ನಿಲ್ಲಲು ಸಾಧ್ಯವಿದೆಯೇ ಎಂದು ಪ್ರಶ್ನಿಸಿರುವ ಸಂತ್ರಸ್ತರು, ‘ಶಾಶ್ವತವಾಗಿ ಮನೆ ಬಿಡಿಸಲು ಜಿಲ್ಲಾಡಳಿತ ನಡೆಸಿರುವ ತಂತ್ರಗಾರಿಕೆ ಇರಬಹುದು’ ಎಂದು ಆರೋಪಿಸಿದ್ದಾರೆ.
