ಜಿಲ್ಲಾ ಕೇಂದ್ರ ರಾಮನಗರದಿಂದ ಕನಕಪುರ, ಮಾಗಡಿ ತಾಲೂಕು ಕೇಂದ್ರಗಳಿಗೆ ಸಂಪರ್ಕ ಕಲ್ಪಿಸುವ ಹೆದ್ದಾರಿಗಳ ಇಕ್ಕೆಲಗಳಲ್ಲಿಯೂ ಗಿಡ ಗಂಟಿಗಳು ಬೆಳೆದು ನಿಂತಿವೆ. ಇಲ್ಲಿ ಪ್ರತಿ ದಿನ ಸಾವಿರಾರು ಮಂದಿ ಓಡಾಟ ನಡೆಸುತ್ತಾರೆ. ಇದಲ್ಲಿ ಬೈಕ್ ಸವಾರರೇ ಹೆಚ್ಚು. ಇದು ಕೇವಲ ತಾಲೂಕು ಕೇಂದ್ರಗಳಿಗೆ ಸಂಪರ್ಕ ಕಲ್ಪಿಸುವ ರಸ್ತೆಗಳ ದುಸ್ಥಿತಿ ಮಾತ್ರವಲ್ಲ. ಬಹುತೇಕ ಗ್ರಾಮೀಣ ಭಾಗದ ಎಲ್ಲ ರಸ್ತೆಗಳ ಕಥೆಯೂ ಹೀಗೆಯೇ ಇದೆ. ಕೆಲ ಕಡೆಗಳಲ್ಲಂತೂ ರಸ್ತೆಯ ಅರ್ಧ ಭಾಗವನ್ನು ಗಿಡ ಗಂಟಿಗಳೇ ಆವರಿಸಿ, ವಾಹನ ಸವಾರರು ಓಡಾಡಲು ಕಷ್ಟಪಡುವಂತೆ ಆಗಿದೆ. ಇದರ ಜತೆಗೆ ಗ್ರಾಮೀಣ ಭಾಗದ ಕೆಲ ರಸ್ತೆಗಳಂತೂ ಗುಂಡಿಯಿಂದಲೇ ತುಂಬಿದ್ದು, ಇಲ್ಲಿ ಓಡಾಟ ನಡೆಸುವುದು ಸಾವಿನ ಮನೆಯ ಕದ ತಟ್ಟಿದಂತೆ.
