ಹೂತಿಟ್ಟ 20 ದಿನಗಳ ಬಳಿಕ ಶವ ಹೊರಕ್ಕೆ ತೆಗೆಸಿದ ಪೊಲೀಸರು!; ಅದು ಬರೀ ಸಾವಲ್ಲ, ಕೊಲೆ..

ದಾವಣಗೆರೆ: ಅನಾಥ ಶವ ಎಂದು ಪರಿಗಣಿಸಿ ಪೊಲೀಸರು ಅಂತ್ಯಸಂಸ್ಕಾರ ಮಾಡಿಸಿದ್ದ ಪ್ರಕರಣ ಈಗ ಮತ್ತೊಂದು ತಿರುವು ಪಡೆದಿದೆ. ಮಾತ್ರವಲ್ಲ, ಹೂತು ಹಾಕಿದ 20 ದಿನಗಳ ಬಳಿಕ ಶವವನ್ನು ಹೊರಕ್ಕೆ ತೆಗೆಸಿರುವ ಪೊಲೀಸರು ಮತ್ತೊಂದು ಸುತ್ತಿನ ತನಿಖೆಗೆ ಮುಂದಾಗಿದ್ದಾರೆ.

ದಾವಣಗೆರೆ ಜಿಲ್ಲೆ ಹೊನ್ನಾಳಿ ತಾಲೂಕಿನ ಬುಳ್ಳಾಪುರ ಗ್ರಾಮದ ನಿವಾಸಿ ತಿಪ್ಪೇಶಪ್ಪ (30) ಮೃತಪಟ್ಟವರು. ಮೇ 9ರಂದು ಬುಳ್ಳಾಪುರದ ತುಂಗಾಭದ್ರಾ ನದಿ ತೀರದಲ್ಲಿ ಇವರ ಶವ ಪತ್ತೆಯಾಗಿತ್ತು. ಆದರೆ ಈ ಶವಕ್ಕೆ ವಾರಸುದಾರರು ಪತ್ತೆಯಾಗದ್ದರಿಂದ ಅನಾಥ ಶವ ಎಂದು ಪರಿಗಣಿಸಿ ಪೊಲೀಸರು ಶವಸಂಸ್ಕಾರ ನಡೆಸಿದ್ದರು.

ಇದನ್ನೂ ಓದಿ: ಹೆಂಡತಿಗೆ ಕಿರುಕುಳ ಕೊಟ್ಟು ಸಾವು ತಂದುಕೊಂಡ ಗಂಡ; ಆಕೆ ಹೊಡೆಯಿರಿ ಎಂದಳು, ಅವರಿಬ್ಬರು ಕೊಂದೇ ಬಿಟ್ಟರು… 

ಆದರೆ ಮೇ. 31ರಂದು ತಿಪ್ಪೇಶಪ್ಪನ ತಂದೆ ಶಿವಮೂರ್ತಪ್ಪ ಅವರಿಂದ ಹೊನ್ನಾಳಿ ಪೊಲೀಸ್​ ಠಾಣೆಯಲ್ಲಿ ಕೊಲೆ ದೂರು ದಾಖಲಾಗಿದ್ದು, ಆ ಹಿನ್ನೆಲೆಯಲ್ಲಿ ತನಿಖೆಗಿಳಿದ ಪೊಲೀಸರು ಐವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಬುಳ್ಳಾಪುರ ಗ್ರಾಮದ ನಾಗರಾಜ್, ಪ್ರವೀಣ, ರಾಜ, ಮಂಜುನಾಥ, ಸಾಸ್ವೆಹಳ್ಳಿಯ ನಾಗರಾಜ ಬಂಧಿತರು.

ಇದನ್ನೂ ಓದಿ: ಹೆಂಡತಿಯನ್ನು ಇನ್ನೊಬ್ಬನ ಜತೆ ನೋಡಬಾರದ ಸ್ಥಿತಿಯಲ್ಲಿ ನೋಡಿದ ಗಂಡ; ಇಬ್ಬರನ್ನೂ ಹೊರಕ್ಕೆಳೆದು ಕಂಬಕ್ಕೆ ಕಟ್ಟಿ ಥಳಿಸಿದ..

ಹೆಚ್ಚಿನ ತನಿಖೆ ಸಲುವಾಗಿ ಶವಸಂಸ್ಕಾರ ನಡೆಸಿದ 20 ದಿನಗಳ ಬಳಿಕ ಅಂದರೆ ಇವತ್ತು ಅದನ್ನು ಹೊರಕ್ಕೆ ತೆಗೆಸಿದ ಪೊಲೀಸರು ಮರಣೋತ್ತರ ಪರೀಕ್ಷೆಗೆ ಒಪ್ಪಿಸಿದ್ದಾರೆ. ತಹಸೀಲ್ದಾರ್ ಬಸನಗೌಡ ಕೊಟ್ಟೂರು, ಸಿಪಿಐ ದೇವರಾಜ್, ಪಿಎಸ್ಐ ಬಸವನಗೌಡ ಬಿರಾದಾರ್, ವೈದ್ಯ ಡಾ.ಎಚ್.ಜೆ. ನರೇಂದ್ರ, ವಿಧಿವಿಜ್ಞಾನ ಪ್ರಯೋಗಾಲಯ ನಿರ್ದೇಶಕಿ ಭಾರ್ಗವಿ ಅವರ ಸಮ್ಮುಖ ಶವ ಹೊರತೆಗೆಸಿ ಮರಣೋತ್ತರ ಪರೀಕ್ಷೆ ನಡೆಸಲಾಗಿದೆ.

https://www.vijayavani.net/son-beats-mother-for-asking-food/

https://www.vijayavani.net/newly-married-lady-died-because-of-corona/