ಬ್ಯಾಂಕ್ ಕಚೇರಿಯಲ್ಲಿ ಬುಧವಾರ ಫಲಾನುಭವಿಗಳಿಂದ ನಗದು ಸ್ವೀಕರಿಸಿ ಮಾತನಾಡಿದ ಅವರು, ಜಮೀನು ಅಭಿವೃದ್ಧಿ, ಕುರಿ ಸಾಕಣೆ, ಹೈನುಗಾರಿಕೆ, ಟ್ರ್ಯಾಕ್ಟರ್ ಖರೀದಿ, ಕೃಷಿ ಚಟುವಟಿಕೆಗಳಿಗಾಗಿ 437 ರೈತರಿಗೆ ಇದುವರೆಗೂ 2.25 ಕೋಟಿ ರೂ. ಸಾಲ ನೀಡಲಾಗಿತ್ತು. ಆದರೆ ಈ ಪೈಕಿ 387 ಸುಸ್ತಿದಾರರಾಗಿದ್ದು, 6.33 ಕೋಟಿ ರೂ.ಬಡ್ಡಿ ಸಹಿತ ಮರುಪಾವತಿ ಮಾಡಬೇಕಿದೆ ಎಂದರು. ಸಾಲಮನ್ನಾ ಯೋಜನೆಯಿಂದ ಸಾಲಗಾರರು 1.76 ಕೋಟಿ ರೂ. ಅಸಲು ತೀರುವಳಿ ಮಾಡಿದರೆ ಸರ್ಕಾರವೇ ಇನ್ನುಳಿದ 4.57 ಕೋಟಿ ರೂ.ಬಡ್ಡಿ ಮನ್ನಾ ಬಾಬ್ತನ್ನು ಬ್ಯಾಂಕಿಗೆ ತುಂಬಿ ಕೊಡಲಿದೆ. ಬ್ಯಾಂಕ್ ಸಿಬ್ಬಂದಿ ಹಾಗೂ ನಿರ್ದೇಶಕರು ನಗರ ಹಾಗೂ ಗ್ರಾಮೀಣ ಪ್ರದೇಶಗಳಿಗೆ ತೆರಳಿ ಮನವರಿಕೆ ಮಾಡಿಕೊಡುತ್ತಿದ್ದಾರೆ. ರೈತರು ತಕ್ಷಣವೇ ತಾವು ಪಡೆದಿರುವ ಅಸಲು ಮರುಪಾವತಿಸಿ ಬಡ್ಡಿ ಮನ್ನಾ ಯೋಜನೆಯ ಲಾಭ ಪಡೆದುಕೊಳ್ಳಬೇಕು ಎಂದು ಮನವಿ ಮಾಡಿದರು.
