ಚೇಳೂರು : ಭೂಮಿ ತಂತ್ರಾಶ ನೆಪದಲ್ಲಿ ಮೂರು ತಿಂಗಳಿಂದ ನೋಂದಣಿ, ಖಾತೆ ಕಾರ್ಯಗಳು ಸ್ಥಗಿತಗೊಂಡ ಕಾರಣ ರೈತರು ಆಕ್ರೋಶಗೊಂಡಿದ್ದಾರೆ.
ಚೇಳೂರು ನೂತನ ತಾಲೂಕು ರಚನೆಯಾಗಿ ವರ್ಷಗಳೇ ಕಳೆದರೂ ಚಿಂತಾಮಣಿ ತಾಲೂಕಿನ ಚಿಲಕಲನೇರ್ಪು, ಏನಿಗದಲೆ, ಟಿ.ಗೊಲ್ಲಹಳ್ಳಿ, ಬುರುಡಗುಂಟೆ 4 ಕಂದಾಯ ವೃತ್ತಗಳು, ಬಾಗೇಪಲ್ಲಿ ತಾಲೂಕಿನ ನಾರೇಮದ್ದೇಪಲ್ಲಿ, ಕುರುಬರಹಳ್ಳಿ, ಸೋಮನಾಥಪುರ, ಪೋಲನಾಯಕನಹಳ್ಳಿ 4 ಕಂದಾಯ ವೃತ್ತಗಳು ಮತ್ತು ಚೇಳೂರು ಹೋಬಳಿಯ 9 ಕಂದಾಯ ವೃತ್ತಗಳ ಗ್ರಾಮಗಳನ್ನು ಭೂಮಿ ತಂತ್ರಾಶದಲ್ಲಿ ಅಳವಡಿಸಲು ಚಿಂತಾಮಣಿ ತಾಲೂಕನ್ನು ವಿಭಜಸಿ ಭೂಮಿ ತಂತ್ರಾಂಶಕ್ಕೆ ಸೇರಿಸಲು ಜು.9ರಂದು ಸರ್ಕಾರ ಆದೇಶ ಮಾಡಿತ್ತು. ಆದೇಶವಾಗಿ ಮೂರು ತಿಂಗಳಾದರೂ ಇನ್ನೂ ಕಾರ್ಯಾರಂಭಗೊಂಡಿಲ್ಲ.
