ಸ್ಫೋಟಕ ಖರೀದಿದಾರ: ಕೇರಳ ಮೂಲದ ಶೋಯೆಬ್, ಸ್ಫೋಟ ಪ್ರಕರಣದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ. ಬೆಂಗಳೂರಿಗೆ ಬಂದು ಯಾವ ಸ್ಥಳದಲ್ಲಿ ಬಾಂಬ್ ಅಳವಡಿಸಬೇಕೆಂದು ಸ್ಥಳ ಗುರುತು ಮಾಡಿ ರೇಖಾಚಿತ್ರಗಳನ್ನು ಸಿದ್ಧಪಡಿಸಿಕೊಂಡು ಹೋಗಿದ್ದ. ಇದಾದ ಮೇಲೆ ಬಾಂಬ್ ತಯಾರಿಕೆಗೆ ಬೇಕಾಗಿದ್ದ ಸ್ಫೋಟಕದ ಬಿಡಿಭಾಗಗಳನ್ನು ಖರೀದಿಸಿ ತನ್ನ ಗ್ಯಾಂಗ್ಗೆ ತಲುಪಿಸಿದ್ದ. ಅಲ್ಲದೆ, ಸರಣಿ ಸ್ಫೋಟದ ಬಗ್ಗೆ ನಡೆದ ಗೌಪ್ಯ ಸಭೆಗಳಲ್ಲಿ ಶೋಯೆಬ್ ಭಾಗವಹಿಸಿದ್ದ. ಎ1 ಶಂಕಿತನ ಜತೆ ನೇರ ಸಂಪರ್ಕದಲ್ಲಿದ್ದ ಶೋಯೆಬ್, ತನ್ನ ಸರಚರರ ಜತೆ ಬೆಂಗಳೂರಿಗೆ ಬಂದು ಜೀವಂತ ಬಾಂಬ್ಗಳನ್ನು ಸಾಗಾಟ ನಡೆಸಿ 9 ಕಡೆಗಳಲ್ಲಿ ಅಳವಡಿಸಿದ್ದ ಆರೋಪ ಈತನ ಮೇಲಿದೆ. ಈಗಾಗಲೇ ಸಾಕಷ್ಟು ಸಾಕ್ಷ್ಯಗಳನ್ನು ಸಂಗ್ರಹಿಸಿದ್ದು, ಮತ್ತಷ್ಟು ವಿಚಾರಣೆ ನಡೆಸಿ ನ್ಯಾಯಾಲಯಕ್ಕೆ ಆರೋಪಪಟ್ಟಿ ಸಲ್ಲಿಸುವುದಾಗಿ ಎಟಿಎಸ್ ಮೂಲಗಳು ತಿಳಿಸಿವೆ.
