ಕುರುಗೋಡು ತಾಲೂಕಿನ ಬೈಲೂರು ಗ್ರಾಮದಲ್ಲಿ ಸರ್ಕಾರಿ ಇಂಜಿನಿಯರಿಂಗ್ ಕಾಲೇಜು ನಿರ್ಮಾಣ, ಕಂಪ್ಲಿಯಿಂದ ಗಂಗಾವತಿ ಮಾರ್ಗದಲ್ಲಿರುವ ತುಂಗಭದ್ರಾ ನದಿ, ಬಳ್ಳಾರಿ ತಾಲೂಕಿನ ಹಗರಿ ನದಿಗೆ ಗೆ ಹೊಸ ಸೇತುವೆ ನಿರ್ಮಾಣ, ವೈ.ಕಗ್ಗಲ್ ಏತ ನೀರಾವರಿ ಯೋಜನೆಗೆ ಮರುಜೀವ ನೀಡುವ ಕೆಲಸ ನಡೆದುಲ್ಲ. ಸಿರಗುಪ್ಪದಲ್ಲಿ ಮಿನಿಸೌಧ ನಿರ್ಮಾಣ, ಕುಡತಿನಿಯಲ್ಲಿ ನರ್ಸಿಂಗ್ ಕಾಲೇಜು ನಿರ್ಮಾಣ, ರಾಬಕೊವಿ ಒಕ್ಕೂಟದ ಮೆಗಾ ಡೈರಿ ಸ್ಥಾಪನೆ, ಬಳ್ಳಾರಿ ಕೋಟೆಗೆ ರೋಪ್ ವೇ ನಿರ್ಮಾಣ, ಸರ್ಕಾರಿ ಪದವಿ ಕಾನೂನು ಕಾಲೇಜು, ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆಗೆ ಹೆಚ್ಚುವಾರಿ ಅನುದಾನ, ರೇಡಿಯೊ ಪಾರ್ಕ್ ಮೇಲ್ಸೇತುವೆ, ಜಿಲ್ಲಾ ಕೃಷಿ ತರಬೇತಿ ಕೇಂದ್ರ ಸ್ಥಾಪನೆ, ಜೀನ್ಸ್ ಅಪೆರಲ್ ಪಾರ್ಕ್ ಸ್ಥಾಪನೆಗೆ ಅನುದಾನ ಘೋಷಣೆ, ವಿಮಾನ ನಿಲ್ದಾಣ ಕಾಮಗಾರಿ ಆರಂಭ, ರಾಜ್ಯದಲ್ಲೇ ಅತಿ ಹೆಚ್ಚು ಮೆಣಸಿನಕಾಯಿ ಬೆಳೆ ಬೆಳೆಯುವ ಜಿಲ್ಲೆಯಲ್ಲಿ ರೈತರ ಬಹುದಿನಗಳ ಬೇಡಿಕೆ ಮೆಣಸಿನಕಾಯಿ ಮಾರುಕಟ್ಟೆ ನಿರ್ಮಾಣ, ಸಂಡೂರಿನಲ್ಲಿ ಪ್ರವಾಸೋದ್ಯಮಕ್ಕೆ ಉತ್ತೇಜನ ಸೇರಿದಂತೆ ಹಲವು ಯೋಜನೆಗಳಿಗೆ ಬಜೆಟ್ನಲ್ಲಿ ಹಸಿರು ನಿಶಾನೆ ತೋರದೆ ಇರುವುದು ಜನರಲ್ಲಿ ಅಸಮಾಧಾನ ವ್ಯಕ್ತವಾಗುತ್ತಿದೆ.
