ನಗರ ವ್ಯಾಪ್ತಿಯಲ್ಲಿನ ರುದ್ರಭೂಮಿಯ ಸಮಗ್ರ ನಿರ್ವಹಣೆ, ರಕ್ಷಣಾ ಗೋಡೆ, ಗೇಟ್ ನಿರ್ಮಾಣ, ಅಂತ್ಯ ಸಂಸ್ಕಾರ ನಡೆಸಲು ಬಂದ ಕುಟುಂಬದವರಿಗೆ ಸ್ನಾನ ಇತ್ಯಾದಿ ಕರ್ಮಗಳನ್ನು ನೆರವೇರಿಸುವ ಕೋಣೆಗಳ ನಿರ್ಮಾಣ ಹಾಗೂ ರುದ್ರಭೂಮಿಯಲ್ಲಿ ಮೃತರ ಅಂತಿಮ ಸಂಸ್ಕಾರ ನಡೆಸುವ ಸ್ಥಳದ ಮೇಲ್ಛಾವಣಿ ದುರಸ್ತಿ, ವಿದ್ಯುತ್ ಚಿತಾಗಾರದ ಆರಂಭ ಕುರಿತಂತೆ ರುದ್ರಭೂಮಿಯ ಕಾವಲುಗಾರನ ವೇತನ ಹೆಚ್ಚಿಸಿ, ಉದ್ಯಾನವನಕ್ಕೆ ವಿದ್ಯುತ್ ಸಂಪರ್ಕ ಕಲ್ಪಿಸುವಂತೆ ಚರ್ಚಿಸಲಾಯಿತು. ಬ್ರಾಹ್ಮಣ ಸಮಾಜದ ಮುಖಂಡರಾದ ವಿ.ಎಲ್.ಜೋಷಿ, ಸತ್ಯನಾರಾಯಣ ಜೋಷಿ, ನಾರಾಯಣಾಚಾರ್, ಚಿದಂಬರ ನಾನಾವಟೆ, ಪ್ರಶಾಂತ ಕುಲಕರ್ಣಿ, ಕುಮಾರಶಾಸ್ತ್ರಿ, ಮರಾಠ ಸಮಾಜದ ನಾರಾಯಣ ನಿಂಬಾಳ್ಕರ್, ಜೈನ ಸಮುದಾಯದ ಮಾಂಗೀಲಾಲ್ ಶೇಟ್, ಅರ್ಕಸಾಲಿ ಸಮಾಜದ ರವಿಆಚಾರ್, ಕಾರ್ತಿಕೇಶ್ ಆಚಾರ್ ಇತರರಿದ್ದರು.
