ಬಾಗಿಲು ಒಡೆದಿಲ್ಲ, ಏನನ್ನೂ ಲಪಟಾಯಿಸಿಲ್ಲ: ಅಬಕಾರಿ ಇಲಾಖೆಯಲ್ಲಿನ ಈ ಪ್ರಕರಣ ಅತ್ಯಂತ ವಿಚಿತ್ರ ಪ್ರಕರಣವೆನಿಸಿದೆ. ಕಿಡಿಗೇಡಿಗಳು ತಮ್ಮ ಕುಕೃತ್ಯ ನಡೆಸಲು ಕಚೇರಿ ಬಾಗಿಲು ಒಡೆದಿಲ್ಲ. ಕೀಲಿಕೈ ಬಳಸಿ ಬೀಗ ತೆಗೆದಿದ್ದಾರೆ. ಕೆಲವೊಂದು ಪ್ರಕರಣಗಳಿಗೆ ಸಂಬಂಧಿಸಿದ ಪ್ರಮುಖ ದಾಖಲೆಗಳನ್ನು ಮಾತ್ರ ಸುಟ್ಟುಹಾಕಿದ್ದಾರೆ ಎನ್ನಲಾಗುತ್ತಿದೆ. ಅಂದರೆ ಇಲಾಖೆಯಲ್ಲಿರುವ ಸಿಬ್ಬಂದಿಯೇ ಈ ಕೃತ್ಯವನ್ನು ಮಾಡಿರುವ ಶಂಕೆಯನ್ನು ಇಲಾಖೆ ಹಿರಿಯ ಅಧಿಕಾರಿಗಳು ವ್ಯಕ್ತಪಡಿಸುತ್ತಿದ್ದಾರೆ ಎನ್ನಲಾಗಿದೆ. ಸರ್ಕಾರದ ಬೊಕ್ಕಸವನ್ನು ತುಂಬುವ ಇಲಾಖೆಯಲ್ಲಿ ಮೊದಲ ಸ್ಥಾನದಲ್ಲಿರುವ ಅಬಕಾರಿ ಇಲಾಖೆಯ ಹುಣಸೂರು ಕಚೇರಿಗೆ ಇಂದಿಗೂ ಸಿಸಿ ಕ್ಯಾಮರಾ ಅಳವಡಿಕೆಯಾಗಿಲ್ಲವೆನ್ನುವುದೇ ದುರಂತದ ಸಂಗತಿಯಾಗಿದೆ.
