ಬಾಗಲಕೋಟೆ: ಕಾಯಕದ ಮೇಲೆ ಶ್ರದ್ಧೆ ಹಾಗೂ ಭರವಸೆ ಇದ್ದರೆ ನಿಮ್ಮ ಕೈ ಸಾವಿರ ಜನಕ್ಕೆ ಅನ್ನ ಹಾಕುವ ಸಾಮರ್ಥ್ಯ ಪಡೆಯುತ್ತದೆ ಎಂದು ವಿಆರ್ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್ ಡಾ.ವಿಜಯ ಸಂಕೇಶ್ವರ ಹೇಳಿದರು.
ಜಿಲ್ಲೆಯ ಇಳಕಲ್ಲ ತಾಲೂಕಿನ ಸಿದ್ದನಕೊಳ್ಳದಲ್ಲಿ ಭಾನುವಾರ ರಾತ್ರಿ ನಡೆದ ಶ್ರೀಸಿದ್ಧಶ್ರೀ ಪ್ರಶಸ್ತಿ ಸ್ವೀಕರಿಸಿದ ಬಳಿಕ ಮಾತನಾಡಿದರು.
ಸಂಕ್ರಾಂತಿ ಬಳಿಕ ಜಾತ್ರೆಗಳ ಸೀಸನ್ ಶುರುವಾಗುತ್ತದೆ. ಹಾಗೆಯೇ ವಿಧಾನಸಭೆ, ಲೋಕಸಭೆ ಚುನಾವಣೆಗಳು ಬಂದಾಗಿ ಸಾಕಷ್ಟು ಹೋರಾಟಗಳು ನಡೆಯುತ್ತವೆ. ಮೀಸಲಾತಿ ಹೋರಾಟ, ಸಂಬಳಕ್ಕಾಗಿ ಹೋರಾಟಗಳು ನಡೆಯುತ್ತವೆ. ಮೀಸಲಾತಿ ಯಾರಿಗೆ ಸಿಗುತ್ತದೆಯೋ ಅವರಿಗೆ ಸಿಗಲಿ. ಸರ್ಕಾರ ಸಂವಿಧಾನ ಬದ್ಧವಾಗಿ, ನ್ಯಾಯಾಲಯಗಳ ಆದೇಶ ಪಾಲಿಸಿ ಕೆಲಸವನ್ನು ಮಾಡುತ್ತದೆ. ಮೀಸಲಾತಿ ಲಾಭ ಯಾರಿಗೆ ಸಿಗಬೇಕೋ ಅವರಿಗೆ ಸಿಗಲಿ. ಆದರೆ, ಮೀಸಲಾತಿ ಎನ್ನುವುದು ಕೆಲ ಬೆರಳೆಣಿಕೆ ಜನರಿಗೆ ಇದರ ಹೆಚ್ಚು ಲಾಭ ಸಿಗುತ್ತದೆ. ರಾಜಕೀಯದವರು ಮೀಸಲಾತಿ ಹೋರಾಟ ಮಾಡಬೇಕು, ಮಾಡುತ್ತಾರೆ. ಆದರೆ, ಸಾಮಾನ್ಯ ಜನರಿಗೆ ತಮ್ಮ ಕಾಯಕದ ಬಗ್ಗೆ ಗಮನ ಇರಬೇಕು. ಕಾಯಕದಲ್ಲಿ ಮೀಸಲಾತಿ ಬೇಕಾಗಿಲ್ಲ ಎಂದರು.
ಇವತ್ತು ಪ್ರದೇಶ ಪ್ರಧಾನಿ ಆಗಿರುವ ನರೇಂದ್ರ ಮೋದಿ ಅವರು ಮೀಸಲಾತಿಯಿಂದ ಈ ಹಂತಕ್ಕೆ ಬಂದಿಲ್ಲ. ಚಹಾ ಮಾರುತ್ತಿದ್ದ ಅವರು ತಮ್ಮ ಕರ್ತವ್ಯದಿಂದ ಮೇಲೆ ಬಂದಿದ್ದಾರೆ. ಅಬ್ದುಲ್ ಕಲಾಂ ಅವರು ಮೀಸಲಾತಿಯಿಂದ ಬೆಳೆದಿಲ್ಲ. ಪೇಪರ ಹಂಚುತ್ತಿದ್ದರು. ಕಾಯಕದ ಮೇಲೆ ಭರವಸೆ, ಶ್ರದ್ಧೆಯಿಂದ ಬೆಳವಣಿಗೆ ಆಗುತ್ತದೆ ಎಂದು ಅಭಿಪ್ರಾಯಪಟ್ಟರು.
