ಶೂನ್ಯಪೀಠಾರೋಹಣ ಮೊದಲು ಸುದ್ದಿಗಾರರ ಜತೆ ಮಾತನಾಡಿದ ಶರಣರು,ಶ್ರೀ ಮಠದ ಪರಂಪರೆಯಂತೆ ಹಿರಿಯ ಸ್ವಾಮೀಜಿ ಗಳು,ಬಂಗಾರ ಕಿರೀಟ,ಪಾದುಕೆಗಳನ್ನು ಧರಿಸಿ,ಕೈಯಲ್ಲಿ ಬೆಳ್ಳಿಗದೆ ಹಿಡಿದು ಬೆಳ್ಳಿ ಸಿಂಹಾಸನರೂಢರಾಗಿ ಭಕ್ತರಿಗೆ ದರ್ಶನ ಕೊಡುತ್ತಿದ್ದರು. ಆದರೆ ತಾವು ಪೀಠವನ್ನು ಏರಿದ ಮೇಲೆ ಬಂಗಾರದ ಆಭರಣಗಳನ್ನು ತ್ಯಾಗ ಮಾಡಿ,ರುದ್ರಾಕ್ಷಿ ಕಿರೀಟ ಹಾಗೂ ವಚನಕಟ್ಟನ್ನು ಕೈಯಲ್ಲಿ ಹಿಡಿದು,ಕಟ್ಟಿಗೆಯಿಂದ ಮಾಡಿದ ಸಿಂಹಾಸನದಲ್ಲಿ ಕುಳಿತು ದರ್ಶನ ಕೊಡುತ್ತಿದ್ದೇವೆ. ಕರೊನಾ ಕಾರಣಕ್ಕೆ ಅದ್ಧೂರಿ,ಅಡಂಬರಕ್ಕೆ ಅವಕಾಶ ವಿಲ್ಲದಂತೆ ಸರಳ ರೀತಿಯಲ್ಲಿ ಶರಣ ಸಂಸ್ಕೃತಿ ಉತ್ಸವದ ನಾನಾ ಕಾರ್ಯಕ್ರಮಗಳನ್ನು ಆಯೋಜಿಸಿಕೊಂಡು ಬರಲಾಗುತ್ತಿದೆ ಎಂದರು.
