ಸಾಗರ ಕ್ಷೇತ್ರ ಅಭಿವೃದ್ಧಿ ಮರೆತ ಶಾಸಕ

ಸಾಗರ: ಬೆಳೆವಿಮೆ ಜಾರಿ, ಮಳೆಮಾಪನ ಯಂತ್ರ ರಿಪೇರಿ ಹಾಗೂ ಗ್ರಾಪಂ ಮೀಸಲಾತಿಗೆ ಒತ್ತಾಯಿಸಿ ಬಿಜೆಪಿಯಿಂದ ಸಾಗರ ಉಪವಿಭಾಗಾಧಿಕಾರಿ ಕಚೇರಿ ಎದುರು ಗುರುವಾರ ಪ್ರತಿಭಟನೆ ನಡೆಸಲಾಯಿತು.

ಅಭಿವೃದ್ಧಿಯಲ್ಲಿ ಸಾಗರ ೇತ್ರ ಸಂಪೂರ್ಣ ಹಿನ್ನಡೆ ಕಂಡಿದೆ. ೇತ್ರದ ಶಾಸಕ ಬೇಳೂರು ಗೋಪಾಲಕೃಷ್ಣ ಸತ್ಯಕ್ಕಿಂತ ಸುಳ್ಳು ಹೇಳುವುದೇ ಜಾಸ್ತಿ. ಎರಡು ವರ್ಷಗಳ ಹಿಂದೆ ಆಸ್ಪತ್ರೆ ಅಭಿವೃದ್ಧಿಗೆ 70 ಕೋಟಿ ರೂ. ಮಂಜೂರಾಗಿದೆ ಎಂದು ಶಾಸಕರು ಹೇಳಿದ್ದರು. ಆ ಹಣ ಎಲ್ಲಿದೆ ಎಂದು ಮೊದಲು ಉತ್ತರ ಹೇಳಲಿ ಎಂದು ಬಿಜೆಪಿ ರಾಜ್ಯ ಉಪಾಧ್ಯ ಹರತಾಳು ಹಾಲಪ್ಪ ಒತ್ತಾಯಿಸಿದರು.

ತಾಲೂಕಿನಲ್ಲಿ 36 ಮಳೆ ಮಾಪನ ಕೇಂದ್ರಗಳಿದ್ದು, ಇದರಲ್ಲಿ 13 ಹಾಳಾಗಿವೆ. ಕೆಲವು ದಿನಗಳಿಂದ ಮಳೆ ಹೆಚ್ಚಾಗಿ ಬೆಳೆ ಹಾಳಾಗಿದೆ. ಮಳೆ ಮಾಪನ ಕೇಂದ್ರಗಳ ಅಂಕಿಅಂಶಗಳ ಆಧಾರದಲ್ಲಿ ರೈತರಿಗೆ ಪರಿಹಾರ ನೀಡಲಾಗುತ್ತದೆ. ಆದರೆ ಮಳೆಮಾಪನವೇ ಇಲ್ಲ. ಜಿಲ್ಲಾ ಉಸ್ತುವಾರಿ ಸಚಿವರು ಮತ್ತೆ ಅವರೇ ಆಗಿದ್ದಾರೆ. ಅವರಿಗೂ ಇದರ ಅರಿವಿಲ್ಲ. ಒಬ್ಬರು ನಾನು ಬಂಗಾರಪ್ಪ ಅವರ ಮಗ ಎಂದರೆ, ಇನ್ನೊಬ್ಬರು ನಾನು ಬಂಗಾರಪ್ಪ ಅವರ ಶಿಷ್ಯ ಎನ್ನುತ್ತಾರೆ. ಇಬ್ಬರೂ ಅಭಿವೃದ್ಧಿ ಕಾರ್ಯಗಳ ಮೂಲಕ ಬಂಗಾರಪ್ಪರ ಹೆಸರು ಉಳಿಸಬೇಕಲ್ಲವೇ ಎಂದು ಕುಟುಕಿದರು.

ಗ್ರಾಪಂ ಮೀಸಲಾತಿ ಕಾಂಗ್ರೆಸ್​ ಪದ ಕೆಲವರ ಆಣತಿಯಂತೆ ಸಿದ್ಧವಾಗಿದೆ. ಬೆಳೆವಿಮೆ ಪರಿಹಾರ ಅತಿ ಕಡಿಮೆ ಇದೆ. ಒಂದು ಅಡಿಕೆ ಸಸಿಗೆ ದರ 70 ರೂ. ಇದೆ. ಗಾಳಿ&ಮಳೆಯಿಂದ ಅಡಿಕೆ ಮರ ಮುರಿದು ಬಿದ್ದರೆ 17 ರೂ. ಪರಿಹಾರ ನೀಡುತ್ತಿದ್ದಾರೆ. ಈ ಬಗ್ಗೆ ಶಾಸಕರು ವಿಧಾನಸೌಧದಲ್ಲಿ ಮಾತನಾಡಬೇಕಲ್ಲವೇ? ಸಚಿವ ಸ್ಥಾನ ಪಡೆಯಲು 20 ಕೋಟಿ ರೂ. ಕೊಟ್ಟಿದ್ದಾರೆ ಎನ್ನುವ ಊಹಾಪೋಹ ಎಲ್ಲೆಡೆ ಹರಿದಾಡುತ್ತಿದೆ ಎಂದು ದೂರಿದರು.

ಇತ್ತೀಚೆಗೆ ಬಿ.ಕೆ.ಹರಿಪ್ರಸಾದ್​ ಸಾಗರಕ್ಕೆ ಬಂದಾಗ ಸಾಗರದಲ್ಲಿ ಇದ್ದರೂ ಕನಿಷ್ಠ ಅವರನ್ನು ಭೇಟಿ ಮಾಡಿರಲಿಲ್ಲ. ಇವರಿಗೆ ಯಾವ ಹಿನ್ನೆಲೆಯಲ್ಲಿ ಸಚಿವ ಸ್ಥಾನ ನೀಡುತ್ತಾರೆ. ಇನ್ನಾದರೂ ಸಚಿವ ಸ್ಥಾನಕ್ಕಾಗಿ ಓಡಾಟ ಬಿಟ್ಟು ೇತ್ರದ ಅಭಿವದ್ದಿ ಬಗ್ಗೆ ಗಮನ ಹರಿಸಲಿ. ಗ್ರಾಪಂ ಮೀಸಲಾತಿ ಸರಿಪಡಿಸದಿದ್ದರೆ ಕಾನೂನು ಹೋರಾಟಕ್ಕೂ ಚಿಂತನೆ ನಡೆಸಲಾಗಿದೆ ಎಂದರು.

ಪಕ್ಷದ ಪ್ರಮುಖರಾದ ಪ್ರಸನ್ನ ಕೆರೆಕೈ, ಟಿ.ಡಿ.ಮೇರಾಜ್​, ರತ್ನಾಕರ ಹೊನಗೋಡು, ಮಧುರಾ ಶಿವಾನಂದ್​, ಸುವರ್ಣಾ ಟೀಕಪ್ಪ, ದೇವೇಂದ್ರಪ್ಪ ಯಲಕುಂದ್ಲಿ, ಗಣೇಶ್​ ಪ್ರಸಾದ್​, ಗಾಯತ್ರಿ ಮಲ್ಲೇಶಪ್ಪ, ರೂಪಾ, ಮೈತ್ರಿ ಪಾಟೀಲ್​, ಸವಿತಾ ವಾಸು, ಪ್ರೇಮಾ ಸಿಂಗ್​, ವಿ.ಮಹೇಶ್​, ಶ್ರೀನಿವಾಸ, ಹರೀಶ್​ ಮೂಡಳ್ಳಿ, ಅರುಣ ಕುಗ್ವೆ ಇತರರಿದ್ದರು.

ಕಳೆದ ವರ್ಷ ನೆರೆ ಬಂದಾಗ ಶಾಸಕರು ವಿದೇಶ ಪ್ರವಾಸದಲ್ಲಿದ್ದರು. ಈ ವರ್ಷ ನೆರೆ ಬಂದಾಗ ಸಚಿವ ಸ್ಥಾನಕ್ಕೆ ಲಾಬಿ ಮಾಡಲು ಮೂರು ತಿಂಗಳಿನಿಂದ ಬೆಂಗಳೂರಿನಲ್ಲಿ ಬೀಡು ಬಿಟ್ಟಿದ್ದಾರೆ. ತಾವು ಗೆದ್ದು ಬಂದ ೇತ್ರದ ಜನರ ಹಿತಕಾಯುವ ಕೆಲಸ ಶಾಸಕರು ಮಾಡದೆ ಇರುವುದು ದುರದೃಷ್ಟ.

> ಮಲ್ಲಿಕಾರ್ಜುನ ಹಕ್ರೆ, ಸಾಗರ ತಾಪಂ ಮಾಜಿ ಅಧ್ಯ