ಶಿವಮೊಗ್ಗದಲ್ಲಿ ಹಾಡುಹಗಲೇ ರೌಡಿಶೀಟರ್ ಬರ್ಬರ ಹತ್ಯೆ | Rowdysheeter Murder

ಶಿವಮೊಗ್ಗ: ನಗರದ ಗಾಂಧಿಬಜಾರ್ 1ನೇ ಕ್ರಾಸ್‌ನ ಕರಿದೇವರ ಕೇರಿಯ ಮನೆಯೊಂದರಲ್ಲಿ ಹಾಡುಹಗಲೇ ರೌಡಿಶೀಟರ್(Rowdysheeter) ಒಬ್ಬನನ್ನು ದುಷ್ಕರ್ಮಿಗಳು ಬರ್ಬರವಾಗಿ ಹತ್ಯೆ(Murder) ಮಾಡಿ ಪರಾರಿಯಾಗಿದ್ದಾರೆ. 

ಗೋವಿಂದಾಪುರ ಆಶ್ರಯ ಬಡಾವಣೆ(Govindapur Ashrayah Layout)ಯ ನಿವಾಸಿ ನರಸಿಂಹ (39) ಹತ್ಯೆಯಾದ ರೌಡಿಶೀಟರ್. ಗಾಂಧಿಬಜಾರ್ 1ನೇ ಕ್ರಾಸ್‌ನ ಕರಿದೇವರ ಕೇರಿಯ ಮನೆಯೊಂದರಲ್ಲಿ ಇಸ್ಪೀಟ್ ಆಟ(Ispeet game)ವಾಡುವಾಗಲೇ ಬಂದ ನಾಲ್ಕೈದು ಮಂದಿಯ ತಂಡ ಮಾರಕಾಸ್ತ್ರಗಳಿಂದ ಮನಸ್ಸೋಇಚ್ಛೆ ಹಲ್ಲೆ ನಡೆಸಿ ಕೊಲೆ ಮಾಡಿದೆ.

ನರಸಿಂಹ ಶುಕ್ರವಾರ ಮಧ್ಯಾಹ್ನ ಗಾಂಧಿಬಜಾರ್(Gandhi Bazaar) 1ನೇ ಕ್ರಾಸ್‌ನ ಕರಿದೇವರ ಕೇರಿಗೆ ಇಸ್ಪೀಟ್ ಆಡಿಸಲು ಬಂದಿದ್ದ ವೇಳೆ ಆತನನ್ನು ಹಿಂಬಾಲಿಸಿ ದಾಳಿ ನಡೆಸಿದ್ದಾರೆ. ಇಸ್ಪೀಟ್ ಆಡಲು ಬಂದಿದ್ದವರನ್ನು ಓಡಿಸಿ ದುಷ್ಕರ್ಮಿಗಳು ನರಸಿಂಹನ ಎರಡೂ ಕೈಗಳನ್ನು ಕಡಿದು, ಮುಖವನ್ನು ಗುರುತೇ ಸಿಗದಂತೆ ಕೊಚ್ಚಿ ಹಾಕಿದ್ದಾರೆ. ಘಟನೆಯಲ್ಲಿ ಆತ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ. 

ನರಸಿಂಹನ ಮೇಲೆ ಈ ಹಿಂದೆ ಹಲವು ಕಾನೂನುಬಾಹಿರ ಚಟುವಟಿಕೆಗಳು(Illegal activities) ಹಾಗೂ ಹತ್ಯೆ ಪ್ರಕರಣಗಳ ಸಂಬಂಧ ದಾಖಲೆಗಳಿದ್ದವು ಎನ್ನಲಾಗಿದ್ದು, ದ್ವೇಷದ ಹಿನ್ನೆಲೆಯಲ್ಲೇ ಕೊಲೆ ನಡೆದಿರುವ ಶಂಕೆ ವ್ಯಕ್ತವಾಗಿದ್ದು, ಎಎಸ್‌ಪಿ ಎ.ಜಿ.ಕಾರಿಯಪ್ಪ, ಕೋಟೆ ಠಾಣೆ ಇನ್‌ಸ್ಪೆಕ್ಟರ್ ಹರೀಶ್ ಪಟೇಲ್ ಸೇರಿ ಹಿರಿಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು.