ಇ ಆಸ್ತಿ ದಾಖಲೆಗೆ ಅರ್ಜಿ ಸಲಿಸಲು ಅವಕಾಶ

ಹೊಳೆಹೊನ್ನೂರು: ಸಾರ್ವಜನಿಕರು ಆಸ್ತಿಗಳಿಗೆ ಸಂಬಂಧಿಸಿದ ಇ& ಆಸ್ತಿ ದಾಖಲೆ ಪಡೆಯಲು ಆನ್​ಲೈನ್​ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶ ಒದಗಿಸಲಾಗಿದೆ ಎಂದು ಪಟ್ಟಣ ಪಂಚಾಯಿತಿ ಮುಖ್ಯಾಧಿಕಾರಿ ಮಂಜುನಾಥ ಹೇಳಿದರು.  

ಪಪಂ ಕಚೇರಿ ಸಭಾಂಗಣದಲ್ಲಿ ಇ ಆಸ್ತಿ ದಾಖಲೆ ಪಡೆಯಲು ಆನ್​ಲೈನ್​ ಅರ್ಜಿ ಸಲ್ಲಿಕೆ ಬಗ್ಗೆ ಸೈಬರ್​ ಸೆಂಟರ್​ ಮಾಲೀಕರಿಗೆ ಏರ್ಪಡಿಸಿದ್ದ ತರಬೇತಿ ಕಾರ್ಯಾಗಾರದಲ್ಲಿ ಅವರು ಮಾತನಾಡಿದರು.

ಇ&ಆಸ್ತಿ ಅಂದರೆ ರಾಜ್ಯದ ನಗರ, ಸ್ಥಳಿಯ ಸಂಸ್ಥೆಗಳಲ್ಲಿ ಆಸ್ತಿ ತೆರಿಗೆ ಮತ್ತು ಆಸ್ತಿ ಮಾಲೀಕತ್ವಕ್ಕೆ ಸಂಬಂಧಿಸಿದ ಆನ್​ಲೈನ್​ ವ್ಯವಸ್ಥೆಯಾಗಿದೆ. ಇದು ನಾಗರಿಕರಿಗೆ ಆಸ್ತಿ ನೋಂದಣಿ, ಖಾತಾ ಪಡೆಯಲು ಮತ್ತು ಆಸ್ತಿ ತೆರಿಗೆ ಪಾವತಿಸಲು ಅನುಕೂಲ ಒದಗಿಸುತ್ತದೆ. ಮಹಾನಗರ ಪಾಲಿಕೆ, ನಗರ, ಸ್ಥಳಿಯ ಸಂಸ್ಥೆಗಳ ಆಸ್ತಿ ನಿರ್ವಹಣಾ ವ್ಯವಸ್ಥೆ. ಸಂಬಂಧಿತ ಇತರ ಸೇವೆಗಳನ್ನು ಆನ್​ಲೈನ್​ನಲ್ಲಿ ಒದಗಿಸಲಾಗಿದೆ ಎಂದರು.

ಪಪಂ ಕಚೇರಿ ತಾಂತ್ರಿಕ ಅಧಿಕಾರಿ ಎಂ.ಕೆ.ಭರತ್​ ತರಬೇತಿ ಕಾರ್ಯಾಗಾರ ನಡೆಸಿದರು. ಪಟ್ಟಣ ಪಂಚಾಯಿತಿ ರಾಜಸ್ವ ನಿರೀಕ ಹೇಮಂತ್​, ಸಿಬ್ಬಂದಿ ಕೆ.ರಂಗನಾಥ್​, ಅಣ್ಣಪ್ಪಸ್ವಾಮಿ, ರಂಗಪ್ಪ, ಸ್ವಾಮಿ, ಜಯಶ್ರೀ ಇತರರಿದ್ದರು.