59 ನಿರುಪಯುಕ್ತ ವಾಹನಗಳಿಗೆ ನೋಟಿಸ್ | Unusable vehicle

ಶಿವಮೊಗ್ಗ: ಶಿವಮೊಗ್ಗ ಸಂಚಾರ ಠಾಣೆ ಪೊಲೀಸರು ಬುಧವಾರ ವಿಶೇಷ ಕಾರ್ಯಾಚರಣೆ ಕೈಗೊಂಡು ರಸ್ತೆಬದಿ ನಿರುಪಯುಕ್ತ(Unusable)ವಾಗಿದ್ದ 59 ವಾಹನಗಳನ್ನು ಗುರುತಿಸಿ ನೋಟಿಸ್(Notice) ಅಂಟಿಸಿದರು. 

7 ದಿನಗಳ ಗಡುವು ನೀಡಿದ್ದು, ಅಷ್ಟರೊಳಗೆ ಸಂಬಂಧಿಸಿದವರು ವಾಹನಗಳನ್ನು ತೆರವುಗೊಳಿಸಬೇಕು. ಇಲ್ಲವಾದರೆ ಪೊಲೀಸ್ ಇಲಾಖೆ(Police Department)ಯಿಂದ ವಾಹನಗಳನ್ನು ತೆರವು ಮಾಡಿ ಹರಾಜು ಹಾಕುವುದಾಗಿ ಎಚ್ಚರಿಕೆ ನೀಡಿದ್ದಾರೆ. ಎಸ್‌ಪಿ ಬಿ.ನಿಖಿಲ್ ಆಲ್ಕೋಳದಲ್ಲಿ ನಿರುಪಯುಕ್ತ ವಾಹನಗಳಿಗೆ ನೋಟಿಸ್ ಅಂಟಿಸಿದರು. 

ಪಬ್ಲಿಕ್ ಐ ಆ್ಯಪ್(Public Eye App) ಮೂಲಕ ನಿರುಪಯುಕ್ತ ವಾಹನಗಳ ಫೋಟೋಗಳನ್ನು ಸಾರ್ವಜನಿಕರು ರವಾನಿಸುತ್ತಿದ್ದು, ಪ್ರತಿ ಮಾಹಿತಿ ಪರಿಶೀಲಿಸಿ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ದೇವರಾಜ್ ತಿಳಿಸಿದರು. ಪಶ್ಚಿಮ ಸಂಚಾರ ಠಾಣೆ ಪಿಎಸ್‌ಐ ಎಲ್.ಸ್ವಪ್ನಾ ಇತರರಿದ್ದರು.

ಮೂವರು ಚಾಲಕರಿಂದ ಮದ್ಯ ಸೇವನೆ: ಬುಧವಾರ ಸಂಚಾರ ಠಾಣೆ ಪೊಲೀಸರು 45 ಖಾಸಗಿ ಸಿಟಿ ಬಸ್‌(Private city bus)ಗಳ ತಪಾಸಣೆ ನಡೆಸಿದರು. ಚಾಲಕರ ದಾಖಲೆಗಳು, ವಾಹನಗಳ ಸುರಕ್ಷತಾ ವ್ಯವಸ್ಥೆ ಹಾಗೂ ಬ್ರೆತ್ ಅನಾಲೈಸರ್ ಮೂಲಕ ಮದ್ಯಸೇವನೆ ಪರೀಕ್ಷೆ ನಡೆಸಿದರು. ಮೂವರು ಚಾಲಕರು ಮದ್ಯಪಾನ ಮಾಡಿ ಖಾಸಗಿ ಸಿಟಿ ಬಸ್ ಚಲಾಯಿಸುತ್ತಿರುವುದು ದೃಢಪಟ್ಟಿದ್ದು, ಚಾಲಕರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಯಿತು.

ಪ್ರಯಾಣಿಕರಿಗೆ ಎಚ್ಚರಿಕೆ: ಪ್ರಯಾಣಿಕರು ಬಸ್ ಹತ್ತುವ ಮುನ್ನ ಚಾಲಕರ ವರ್ತನೆ, ಆರೋಗ್ಯ ಸ್ಥಿತಿ ಹಾಗೂ ಮದ್ಯದ ಅಮಲಿನ ಲಕ್ಷಣಗಳ ಬಗ್ಗೆ ಗಮನ ಹರಿಸಬೇಕು ಎಂದು ಸಂಚಾರ ಪೊಲೀಸರು ಮನವಿ ಮಾಡಿದರು. ಅನುಮಾನಾಸ್ಪದ ಪರಿಸ್ಥಿತಿ ಕಂಡುಬಂದರೆ ತಕ್ಷಣ ಸಂಚಾರ ಪೊಲೀಸರಿಗೆ ಮಾಹಿತಿ ನೀಡಬೇಕು. ಪ್ರಯಾಣಿಕರ ಜಾಗೃತಿಯೂ ಅಪಘಾತಗಳನ್ನು ತಡೆಯುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ವಿಶೇಷ ತಪಾಸಣೆ ವೇಳೆ ಸಂಚಾರ ಠಾಣೆ ಇನ್‌ಸ್ಪೆಕ್ಟರ್ ದೇವರಾಜ್ ಮಹಿಳಾ ಪ್ರಯಾಣಿಕರ ಸುರಕ್ಷತೆ ಕುರಿತು ಜಾಗೃತಿ ಮೂಡಿಸಿದರು. ಮಹಿಳೆಯರು ತುರ್ತು ಪರಿಸ್ಥಿತಿ ಅಥವಾ ಕಿರುಕುಳ ಎದುರಾದರೆ ಪೊಲೀಸ್ ಸಹಾಯವಾಣಿ(Police helpline)ಗೆ ಸಂಪರ್ಕಿಸಬಹುದಾಗಿದೆ.