ಹಣ ಪಡೆದಿಲ್ಲ ಎಂದು ಆರಗ ಪ್ರಮಾಣ ಮಾಡಲಿ

ತೀರ್ಥಹಳ್ಳಿ: ಅಕ್ರಮ ಮರಳು ದಂಧೆಯಲ್ಲಿ ಪಾಲು ಕಡಿಮೆ ಆಗಿದೆ ಎಂಬ ಅಸಮಾಧಾನದಲ್ಲಿ ಶಾಸಕ ಆರಗ ಜ್ಞಾನೇಂದ್ರ ಮರಳು ಗುಡ್ಡೆಗಳಿಗೆ ಅಲೆಯುತ್ತಿದ್ದಾರೆ ಎಂದು ಮಾಜಿ ಸಚಿವ ಕಿಮ್ಮನೆ ರತ್ನಾಕರ್​ ಟೀಕಿಸಿದರು.

ಮರಳು ದಂಧೆ ಮಾಡಲಿ ಬಿಡಿ ಎಂದು ಅಧಿಕಾರಿಗಳಿಗೆ ಪೋನ್​ ಮಾಡುವ ಾನೇಂದ್ರ ಅವರು ಮರಳು ಕ್ವಾರೆಯಲ್ಲಿ ಕುರ್ಚಿಯಲ್ಲಿ ಕುಳಿತು ಪ್ರತಿಭಟನೆ ಮಾಡುವ ಹಿಂದಿನ ಉದ್ದೇಶ ಏನು ಎಂದು ಶನಿವಾರ ಸುದ್ದಿಗೋಷ್ಠಿಯಲ್ಲಿ ಪ್ರಶ್ನಿಸಿದರು.

ಅಕ್ರಮ ಮರಳು ದಂಧೆಯಲ್ಲಿ ನಿರತರಾಗಿರುವ ಬಿಜೆಪಿ ಮುಖಂಡರನ್ನು ಜತೆಯಲ್ಲಿಟ್ಟುಕೊಂಡು ಪ್ರತಿಭಟನೆ ಮಾಡುವ ಆರಗ ಜ್ಞಾನೇಂದ್ರ ಮರಳು ದುಡ್ಡು ಪಡೆದಿಲ್ಲ ಎಂದು ದೇವಸ್ಥಾನದಲ್ಲಿ ಪ್ರಮಾಣ ಮಾಡಲಿ ನೋಡೋಣ. ನಾನು ಪ್ರಮಾಣಕ್ಕೆ ಸಿದ್ದ ಎಂದು ಸವಾಲೆಸೆದರು.

ಪ ಸಂಟನೆಗೆ ದಂಧೆ ಹಣ

ಬಿಜೆಪಿ ಮುಖಂಡರು ತೀರ್ಥಹಳ್ಳಿ ಪಟ್ಟಣದಲ್ಲಿ ಮರಳು ಹಣದಲ್ಲಿಯೇ ಬೃಹತ್​ ಮನೆ ಕಟ್ಟಿದ್ದಾರೆ. ಭ್ರಷ್ಟಾಚಾರಕ್ಕೆ ಯಾವುದೇ ಪ ಹೊರತಾಗಿಲ್ಲ. ತಾನೊಬ್ಬ ಪ್ರಾಮಾಣಿಕ ಎಂದು ಬಿಂಬಿಸಿಕೊಳ್ಳುತ್ತಿರುವ ಆರಗ ಜ್ಞಾನೇಂದ್ರ ಈಗ ಶ್ರೀಮಂತರಾಗಿರುವುದು ಹೇಗೆ. ಜ್ಞಾನೇಂದ್ರ ಅವರ ಊರು ಆರಗದಲ್ಲಿ ಪ್ರತಿದಿನ ಮರಳು ದಂಧೆ ನಡೆಯುತ್ತಿದೆ. ಈವರೆಗೆ ಆ ಬಗ್ಗೆ ಮಾತಾಡಿಲ್ಲ. ಬಿಜೆಪಿ ತಾಲೂಕು ಅಧ್ಯಕ್ಷ ಹೆದ್ದೂರು ನವೀನ್​ ಊರಲ್ಲಿ ಮರಳು ದಂಧೆ ನಡೆದಿದೆ. ಪಕ್ಷ ಸಂಟನೆಗೆ ಹಣಬೇಕು ಎಂದು ಮರಳು ದಂಧೆಯಿಂದ ಹಣ ಪಡೆದಿರುವುದು ಯಾರು ಎಂದು ಜನರಿಗೆ ಮಾಹಿತಿ ಕೊಡಿ ಎಂದು ಕಿಮ್ಮನೆ ರತ್ನಾಕರ್​ ಆಗ್ರಹಿಸಿದರು.

ಸುದ್ದಿಗೋಷ್ಠಿಯಲ್ಲಿ ತೀರ್ಥಹಳ್ಳಿ ಬ್ಲಾಕ್​ ಕಾಂಗ್ರೆಸ್​ ಅಧ್ಯ ಕೆಸ್ತೂರು ಮಂಜುನಾಥ್​, ಪ್ರಧಾನ ಕಾರ್ಯದರ್ಶಿ ಅಶ್ವಲ್​ಗೌಡ, ತೀರ್ಥಹಳ್ಳಿ ವಿಧಾನಸಭಾ ೇತ್ರದ ಯುವ ಕಾಂಗ್ರೆಸ್​ ಅಧ್ಯ ಕೆಳಕೆರೆ ಪೂರ್ಣೇಶ್​, ಪಟ್ಟಣ ಟಕದ ಅಧ್ಯ ಶ್ರೇಯಸ್​, ಮುಖಂಡರಾದ ಬಾಳೇಹಳ್ಳಿ ಪ್ರಭಾಕರ್​, ವಿಲಿಯಮ್​, ಅಮರನಾಥ ಶೆಟ್ಟಿ ಇದ್ದರು.

ಕಾರ್ಯಕರ್ತರಿಗೆ ಮಾಹಿತಿ

ರಾಜ್ಯದಲ್ಲಿ ಎಸ್​ಐಆರ್​ ಮತ ಪರಿಷ್ಕರಣೆ ಜೂ.30ರಿಂದ ಆರಂಭವಾಗಲಿದೆ. ಕಾಂಗ್ರೆಸ್​ ಸಂಪೂರ್ಣ ಜಾಗೃತವಾಗಿರಲಿದೆ. ಪ್ರತಿ ಮತಗಟ್ಟೆಯಲ್ಲಿ ಪಕ್ಷದ ಕಾರ್ಯಕರ್ತರು ಮತಪಟ್ಟಿ ಪರಿಷ್ಕರಣೆ ಗಮನಿಸಲಿದ್ದಾರೆ. ಜಿಲ್ಲೆಯಲ್ಲಿ ಪ್ರತಿ ಗ್ರಾಮಕ್ಕೆ ಪ್ರವಾಸ ತೆರಳಿ ಕಾಂಗ್ರೆಸ್​ ಕಾರ್ಯಕರ್ತರಿಗೆ ಮಾಹಿತಿ ನೀಡಲಾಗುತ್ತದೆ. ವಿಧಾನಸಭಾ ಅಧಿವೇಶನ ನಡೆಯುವಾಗ ಆರಗ ಜ್ಞಾನೇಂದ್ರ ಅಧಿವೇಶನದಲ್ಲಿ ಭಾಗವಹಿಸದೆ ರಾಜಕೀಯ ಓಡಾಟದಲ್ಲಿರುತ್ತಾರೆ. ಅಧಿವೇಶನದ ಮೌಲ್ಯ ಅವರಿಗೆ ಗೊತ್ತಿಲ್ಲ. ಆರಗ ಾನೇಂದ್ರ 50 ವರ್ಷದ ರಾಜಕಾರಣದಲ್ಲಿ ಸಾರ್ವಜನಿಕರಿಗಾಗಿ ಯಾವುದನ್ನು ಕಳೆದುಕೊಂಡಿಲ್ಲ. ಎಲ್ಲವನ್ನು ಸಾರ್ವಜನಿಕರಿಂದ ಪಡೆದುಕೊಂಡಿದ್ದಾರೆ ಎಂದು ಕಿಮ್ಮನೆ ರತ್ನಾಕರ್​ ಆರೋಪಿಸಿದರು.

ತೀರ್ಥಹಳ್ಳಿ ತಹಸೀಲ್ದಾರ್​ ತಪ್ಪು ಮಾಡುತ್ತಿದ್ದರೆ ಪ್ರಶ್ನೆ ಮಾಡಲಿ. ದ್ವೇಷ ರಾಜಕಾರಣಕ್ಕೆ ಆರಗ ಜ್ಞಾನೇಂದ್ರ ಬಳಿ ಮಿತಿಯೇ ಇಲ್ಲ. ತುಂಗಾ ಕಾಲೇಜು ಮುಚ್ಚುವ ಪರಿಸ್ಥಿತಿಗೆ ಆರಗ ಜ್ಞಾನೇಂದ್ರ ಕಾರಣ. ಸಾರ್ವಜನಿಕರ ಹಣದಲ್ಲಿ ಅತಿ ಹೆಚ್ಚು ಬಾರಿ ಊಟ ಮಾಡಿದವರು ಆರಗ ಜ್ಞಾನೇಂದ್ರ ಎಂದು ಕಿಮ್ಮನೆ ರತ್ನಾಕರ್​ ಆರೋಪಿಸಿದರು.