ಭಾರತ ಬಾಲ್ಯವಿವಾಹ ಮುಕ್ತವಾಗಲು ಕೈಜೋಡಿಸಿ I child marriage

ಬಾಲ್ಯವಿವಾಹಮುಕ್ತ ಕರ್ನಾಟಕ ಅಭಿಯಾನದ ಅಂಗವಾಗಿ ನಗರ ಪಾಲಿಕೆಯಲ್ಲಿ ಬುಧವಾರ ಏರ್ಪಡಿಸಿದ್ದ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಬಾಲ್ಯವಿವಾಹ ತಡೆಗೆ ಕಾನೂನು ಜಾರಿಗೆ ಬಂದು ಬಹಳ ವರ್ಷಗಳಾಗಿವೆ. ನಮ್ಮ ಜಿಲ್ಲೆಯಲ್ಲಿ ಕಳೆದ ಸಾಲಿನಲ್ಲಿ 79 ಬಾಲ್ಯವಿವಾಹ ಪ್ರಕರಣ ದಾಖಲಾಗಿದೆ. ಕಠಿಣ ಕಾನೂನು ಇದ್ದರೂ ಬಾಲ್ಯವಿವಾಹ ತಡೆಯುವಲ್ಲಿ ಅದು ವಿಫಲವಾಗಿರುವುದು ವಿಪರ್ಯಾಸ ಎಂದರು.

ಹದಿಹರೆಯದ ಮಕ್ಕಳು ಪ್ರೀತಿಯ ತಪ್ಪುಕಲ್ಪನೆಯಲ್ಲಿ ಗರ್ಭಧರಿಸಿದಾಗ ಪಾಲಕರು ಅನಿವಾರ್ಯವಾಗಿ ಅವರಿಗೆ ಬಾಲ್ಯವಿವಾಹ ಮಾಡುತ್ತಾರೆ. ಹಲವು ಸಮಾಜದಲ್ಲಿ ಇದು ನಡೆಯುತ್ತಿದೆ. ಜಿಲ್ಲೆಯಲ್ಲಿ ಒಂದು ವರ್ಷದಲ್ಲಿ 150 ರಿಂದ 200 ಪೋಕ್ಸೊ ಪ್ರಕರಣಗಳು ದಾಖಲಾಗುತ್ತಿವೆ. ಬಹಳಷ್ಟು ಪ್ರಕರಣಗಳು ಪರಸ್ಪರ ಸಮ್ಮತಿಯಿಂದ ಆಗುತ್ತವೆ. ಕೆಲವು ರಾಜಿ ಸಂಧಾನದ ಮೂಲಕ ಮುಚ್ಚಿಹೋಗುತ್ತವೆ. ಇದಕ್ಕೆ ಕಡಿವಾಣ ಹಾಕಬೇಕಿರುವುದು ಎಲ್ಲರ ಕರ್ತವ್ಯ ಎಂದು ಹೇಳಿದರು.

ಬಾಲ್ಯವಿವಾಹ ನಡೆಯುತ್ತಿರುವ ಬಗ್ಗೆ ಗೊತ್ತಿದ್ದೂ ತಿಳಿಸದಿದ್ದರೆ ಅಥವಾ ವಿವಾಹದಲ್ಲಿ ಭಾಗಿಯಾದರೆ, ಅಡುಗೆ ಮಾಡಿದರೆ, ಸ್ಥಳಾವಕಾಶ ನೀಡಿದರೂ ಶಿಕ್ಷಾರ್ಹ ಅಪರಾಧವಾಗುತ್ತದೆ. ಪಾಲಕರಷ್ಟೇ ಅಲ್ಲ, ಮದುವೆಯಲ್ಲಿ ಭಾಗವಹಿಸಿದವರೂ ಕೂಡ ಶಿಕ್ಷಾರ್ಹರು. ಕನಿಷ್ಠ ಒಂದು ವರ್ಷ, ಗರಿಷ್ಠ ಎರಡು ವರ್ಷ ಜೈಲು ಶಿಕ್ಷೆ ಹಾಗೂ ಒಂದು ಲಕ್ಷ ರೂ. ದಂಡ ವಿಧಿಸಲು ಅವಕಾಶವಿದೆ ಎಂದು ತಿಳಿಸಿದರು.

ಪಾಲಿಕೆ ಆಯುಕ್ತ ಕೆ.ಮಾಯಣ್ಣ ಗೌಡ, ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಅಕ್ಷಯಾ, ಪ್ರಮುಖರಾದ ಅಕ್ಷತಾ, ಅನುಪಮಾ ಇತರರಿದ್ದರು.

"