ಹಳದಮ್ಮ ದೇವಿ ಜಾತ್ರೆ ಸಿಡಿ ಉತ್ಸವ

ಭದ್ರಾವತಿ: ಹಳೇನಗರದ ಗ್ರಾಮದೇವತೆ ಹಳದಮ್ಮ ದೇವಿ ಜಾತ್ರಾ ಮಹೋತ್ಸವದ ಸಿಡಿ ಉತ್ಸವ ಸಂಭ್ರಮದಿಂದ ನೆರವೇರಿತು.

ದೇವಸ್ಥಾನ ಮುಂಭಾಗದಲ್ಲಿ ನಿರ್ಮಿಸಲಾಗಿದ್ದ ನೂತನ ಸಿಡಿ ಕಂಬಕ್ಕೆ ಸಂತೋಷ್​ಕುಮಾರ್​ ಪೂಜೆ ಸಲ್ಲಿಸಿ ಸಿಡಿ ಕಂಬದ ತುದಿಯನ್ನೇರಿದರು. ಸಿಡಿ ಕಂಬ ಹಿಡಿದಿದ್ದ ಇತರರು ಹಾಗೂ ದೇವಸ್ಥಾನ ಸಮಿತಿಯ ಇತರರು ಸಿಡಿ ಕಂಬಕ್ಕೆ ತೂಗು ಹಾಕಿದ್ದ ಸಂತೋಷ್​ಕುಮಾರ್​ ಅವರನ್ನು ಮೂರು ಸುತ್ತು ಪ್ರದಣೆ ಹಾಕಿಸಿ ನಂತರ ಕೆಳಗೆ ಇಳಿಸಲಾಯಿತು. ನಂತರ ಕಂಬದ ತುದಿಗೆ ತೊಟ್ಟಿಲು ಕಟ್ಟಿ ಹರಕೆಯಂತೆ ಮಕ್ಕಳನ್ನು ಕೂರಿಸಿ ಸಿಡಿ ಆಡಿಸಿದರು.

ಜೆಡಿಎಸ್​ ಮುಖಂಡರಾದ ಶಾರಾದಾ ಅಪ್ಪಾಜಿ ಸಿಡಿ ಉತ್ಸವಕ್ಕೆ ಚಾಲನೆ ನೀಡಿದರು. ಕಾರ್ಯಕರ್ತರೊಂದಿಗೆ ಆಗಮಿಸಿದ ಸಂಸದ ಬಿ.ವೈ.ರಾವೇಂದ್ರ ಹಳದಮ್ಮ ದೇವಿಗೆ ಪೂಜೆ ಸಲ್ಲಿಸಿದರು. ಸಮಿತಿ ಅಧ್ಯ ಲ$್ಮಣ, ಜಯಪ್ರಕಾಶ್​, ಸಂತೋಷ್​, ಮಂಜುನಾಥ್​, ಚಂದ್ರಶೇಖರ್​, ಗಿರೀಶ್​, ಚನ್ನೇಶ್​, ಧರ್ಮಪ್ರಸಾದ್​, ಮಂಗೋಟೆ ರುದ್ರೇಶ್​, ಅನುಪಮಾ ಚನ್ನೇಶ್​, ನರಸಿಂಹಾಚಾರ್​ ಇತರರಿದ್ದರು.