ವಿಶೇಷತೆ: ದೇವಗಂಗೆ ಹೆಸರೇ ಪಾವಿತ್ರೃವನ್ನು ಸೂಚಿಸುತ್ತದೆ. ಪೂಜನೀಯ ಭಾವವನ್ನು ಕೊಡುವ ಬಿದನೂರು ಸಂಸ್ಥಾನದ ತಾಣ. ಇಲ್ಲಿಯ ಹೆಮ್ಮೆಯ ಅರಸು ಪ್ರಜಾವತ್ಸಲರಾದ ಕಾರಣ ಉತ್ತರದ ಕಾಶಿಯಂತೆ ಈ ತಾಣವನ್ನು ದಕ್ಷಿಣದ ಕಾಶಿಯಾಗಿಸಿ, ಗಂಗೆಯನ್ನೇ ಇಲ್ಲಿಗೆ ತರಿಸಿ, ಗಂಗಾಧರೇಶ್ವರನ ಸನ್ನಿಧಿಯಲ್ಲಿ ದೇವಗಂಗೆಯನ್ನೇ ನಿರ್ಮಿಸಿದರು. ಕಲ್ಲಿನಲ್ಲಿ ಹೂವರಳಿಸಿದರು ಎಂಬ ಪ್ರತೀತಿ ಇದೆ. ಆ ಸ್ಮರಣೆಯೊಂದಿಗೆ ಇಂದು ಇಲ್ಲಿ ಪವಿತ್ರ ಗಂಗಾಸ್ನಾನ ಮಾಡುವ ಮೂಲಕ ಇತಿಹಾಸವನ್ನು ಮರುಸೃಷ್ಟಿಸೋಣ. ಕಾಶಿಯ ಗಂಗಾತೀರದ ಗಂಗಾರತಿಯನ್ನು ಬಿದನೂರು ನಗರದ ದೇವಗಂಗೆಯ ಕೊಳದ ನಡುವೆ ಆಚರಿಸೋಣ, ದೀಪಾರತಿ ಬೆಳಗೋಣ ಎಂಬ ಆಶಯದೊಂದಿಗೆ ಶ್ರೀ ಗಂಗಾಧರೇಶ್ವರ ದೇವಸ್ಥಾನದ ಸಮಿತಿ, ಗ್ರಾಮಸ್ಥರು, ಸರ್ವರ ಸಹಕಾರದೊಂದಿಗೆ ಎಳ್ಳಮಾವಾಸ್ಯೆ ಜಾತ್ರೆಯನ್ನು ವಿಶೇಷವಾಗಿ ಆಚರಿಸಲು ಮುಂದಾಗಿದ್ದಾರೆ.
