ಮಲೆನಾಡಿಗೆ ಸ್ಟೋರೇಜ್ ಯೋಜನೆ ಬೇಡ I avoide storage

ನಗರದ ಶ್ರೀಗಂಧ ಕೋಠಿಯಲ್ಲಿರುವ ಸಿಸಿಎಫ್ ಕಚೇರಿಗೆ ಆಗಮಿಸಿದ್ದ ಸುನೀಲ್ ಲಿಮಯೇ ಅವರನ್ನು ಭೇಟಿಯಾದ ಕೆ.ಎಸ್.ಈಶ್ವರಪ್ಪ ನೇತೃತ್ವದ ನಿಯೋಗ, ಶರಾವತಿ ಪಂಪ್ಡ್ ಪ್ರಾಜೆಕ್ಟ್ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿತು. ಈ ಯೋಜನೆ ವಿರುದ್ಧ 75 ಸಾವಿರ ಆಕ್ಷೇಪಣೆಗಳು ಸಲ್ಲಿಕೆಯಾಗಿವೆ. ಆದರೂ ಯೋಜನೆ ಅನುಷ್ಠಾನಕ್ಕೆ ತೆರೆಮರೆಯ ಪ್ರಯತ್ನ ನಡೆಯುತ್ತಿರುವುದೇಕೆ ಎಂದು ಪ್ರಶ್ನಿಸಿದರು.

ಇದಕ್ಕೆ ಪ್ರತಿಕ್ರಿಯಿಸಿದ ಸುನೀಲ್ ಆಕ್ಷೇಪಣೆಗಳು ಸಲ್ಲಿಕೆಯಾಗಿರುವ ಬಗ್ಗೆ ನನಗೆ ಯಾವುದೇ ಮಾಹಿತಿಯಿಲ್ಲ. ಯೋಜನೆ ಬಗ್ಗೆ ವ್ಯಕ್ತವಾಗುತ್ತಿರುವ ಅಭಿಪ್ರಾಯವನ್ನು ಸುಪ್ರೀಂ ಕೋರ್ಟ್ ಗಮನಕ್ಕೆ ತರುವುದಾಗಿ ಭರವಸೆ ನೀಡಿದರು.

ಜಿಪಂ ಮಾಜಿ ಸದಸ್ಯ ಕೆ.ಇ.ಕಾಂತೇಶ್ ಮಾತನಾಡಿ, ಶರಾವತಿ ಪಂಪ್ಡ್ ಪ್ರಾಜೆಕ್ಟ್‌ನ ಡಿಪಿಆರ್‌ನ ವಿವರಣೆ ಕೇಳಿದರೂ ಅಧಿಕಾರಿಗಳು ನೀಡಿಲ್ಲ ಎಂದು ಆಕ್ಷೇಪ ವ್ಯಕ್ತಪಡಿಸಿದರು.

ಡಾ. ಶೇಖರ್ ಗೌಳೇರ್, ಡಾ. ಕೆ.ಎಲ್.ಶ್ರೀಪತಿ, ಶ್ರೀಕಾಂತ್, ಜನಾರ್ದನ ಪೈ, ಮಹದೇವ ಸ್ವಾಮಿ, ಪರಿಸರ, ರಮೇಶ್, ದಿಲೀಪ್ ನಾಡಿಗ್, ರವೀಂದ್ರ ಇತರರಿದ್ದರು.