ನಗರಸಭೆ ಕಚೇರಿ ಸಮೀಪ ಭದ್ರಾ ನದಿಗೆ ಕ್ರಿಶ 1860ರಲ್ಲಿ ಸೇತುವೆ ನಿರ್ಮಿಸಲಾಗಿತ್ತು. ಆಗಿನ ಮೈಸೂರು ರಾಜ್ಯದ ಪಿಡಬ್ಲುೃಡಿ 74,997 ರೂ. ವೆಚ್ಚದಲ್ಲಿ ನಿರ್ಮಾಣ ಮಾಡಿದೆ. ಇಟ್ಟಿಗೆ ಹಾಗೂ ಸಿಮೆಂಟ್ ಬಳಸಿ ಕಟ್ಟಲಾಗಿರುವ ಸೇತುವೆ ಇಂದಿಗೂ ಗಟ್ಟಿಯಾಗಿದೆ. ಇದರ ಮೇಲೆ ಸಾರ್ವಜನಿಕರು ಹಾಗೂ ಭಾರಿ ವಾಹನಗಳ ಸಂಚಾರಕ್ಕೆ ಅನುವು ಮಾಡಿಕೊಡಲಾಗಿದೆ. ಆದರೆ ಸರಿಯಾಗಿ ನಿರ್ವಹಣೆ ಇಲ್ಲದ್ದರಿಂದ ಅಲ್ಲಲ್ಲಿ ಗೋಡೆಯ ಮೇಲ್ಪದರ ಕಿತ್ತುಹೋಗಿದೆ. ಬಿರುಕು ಬಿಡುವಂತಾಗಿದೆ. ಅಂತಹ ಜಾಗದಲ್ಲಿ ಪಕ್ಷಿಗಳು ತಿನ್ನಲು ತರುವ ಹಣ್ಣು, ಇತರೆ ಧಾನ್ಯಗಳನ್ನು ಅಲ್ಲಿಯೇಬಿಟ್ಟು ಹೋಗುವುರಿಂದ ಆ ಬೀಜಗಳು ಸಸಿಯಾಗಿ, ದೊಡ್ಡದಾಗಿ ಬೆಳೆದು ಸೇತುವೆಗೆ ಹಾನಿಯಾಗುತ್ತಿದೆ.
