ಇನ್ನೆರಡು ತಿಂಗಳಲ್ಲಿ ಸಾಮಾಜಿಕ ಭದ್ರತಾ ಯೋಜನೆಯಡಿ ಸೌಲಭ್ಯ

ಭದ್ರಾವತಿ: ಪಿಂಚಣಿ, ಅಂಗವಿಕಲ ವೇತನ ಸೇರಿ ಇನ್ನಿತರೆ ಸರ್ಕಾರಿ ಸೌಲಭ್ಯಗಳಿಂದ ವಂಚಿತರಾಗಿದ್ದೇವೆಂದು ಅರ್ಹರು ಆತಂಕಪಡುವ ಅಗತ್ಯವಿಲ್ಲ. ಇನ್ನೆರಡು ತಿಂಗಳಲ್ಲಿ ನಿಮ್ಮ ಸೌಲಭ್ಯವನ್ನು ನಿಮಗೆ ದೊರಕಿಸಲು ಇಲಾಖೆ ಅಧಿಕಾರಿಗಳು ಕಾರ್ಯನಿರ್ವಹಿಸುವರು ಎಂದು ಶಾಸಕ ಬಿ.ಕೆ.ಸಂಗಮೇಶ್ವರ್​ ಹೇಳಿದರು.

ವೃದ್ಧಾಪ್ಯ, ಅಂಗವಿಕಲ, ವಿಧವಾ ವೇತನ ಸೇರಿ ಇನ್ನಿತರೆ ಯೋಜನೆಗಳಿಂದ ವಂಚಿತರಾದವರಿಗೆ ಮರು ಜಾರಿಗೊಳಿಸುವ ನಿಟ್ಟಿನಲ್ಲಿ ಹಳೇನಗರದ ಕನಕಮಂಟಪ ಮೈದಾನದಲ್ಲಿ ಆಯೋಜಿಸಿದ್ದ ಸಮಾವೇಶದಲ್ಲಿ ಮಾತನಾಡಿದ ಅವರು, ಸರ್ಕಾರದ ಎಲ್ಲ ಯೋಜನೆಗಳು ಎಲ್ಲ ಜನರಿಗೂ ತಲುಪಬೇಕು ಎಂಬುದು ಕಾಂಗ್ರೆಸ್​ ಸರ್ಕಾರದ ಧ್ಯೇಯ ಎಂದರು.

ಸರ್ಕಾರದ ಎಲ್ಲ ಅಧಿಕಾರಿಗಳು ಹಾಗೂ ನಮ್ಮ ಪದ ಕಾರ್ಯಕರ್ತರು ನಿಮ್ಮ ಯೋಜನೆಗಳನ್ನು ನಿಮ್ಮ ಮನೆ ಬಾಗಿಲಿಗೆ ತಲುಪಿಸುವ ಕೆಲಸ ಮಾಡುತ್ತಾರೆ. ಯಾರೂ ಆತಂಕಪಡುವ ಅಗತ್ಯವಿಲ್ಲ. ತಾಲೂಕು ಕಚೇರಿಯಲ್ಲಿ ಮಧ್ಯವರ್ತಿಗಳ ಹಾವಳಿ ಹೆಚ್ಚಾಗಿದೆ. ನಿಮ್ಮ ಯೋಜನೆಗಳ ಲಾಭ ಪಡೆಯಲು ನೀವು ಮಧ್ಯವರ್ತಿಗಳಿಗೆ ಅಥವಾ ಇಲಾಖೆ ಅಧಿಕಾರಿಗಳಿಗೆ ಹಣ ನೀಡುವ ಅಗತ್ಯವಿಲ್ಲ. ನೀವು ಸಲ್ಲಿಸಿದ ಅರ್ಜಿ ಪರಿಶೀಲನೆ ಮಾಡುವ ಅಧಿಕಾರಿಗಳು ಅಧಿಕೃತ ಪತ್ರ ವಿತರಿಸುವರು ಎಂದು ತಿಳಿಸಿದರು.

ನಗರಸಭಾ ಸದಸ್ಯ ಬಿ.ಕೆ.ಮೋಹನ್​ ಮಾತನಾಡಿ, ಪ್ರತಿ ತಿಂಗಳು ವೇತನ ಪಡೆಯುತ್ತಿದ್ದವರಿಗೆ ಕೇಂದ್ರ ಸರ್ಕಾರದ ಎಡವಟ್ಟಿನಿಂದಾಗಿ ಸಮಸ್ಯೆ ಎದುರಾಗಿದೆ. ಯೋಜನೆಗಳಿಂದ ವಂಚಿತರಾದವರಿಗೆ ನ್ಯಾಯ ದೊರಕಿಸಿಕೊಡಲು ೇತ್ರದ ಶಾಸಕರು ಸಮಾವೇಶ ನಡೆಸುತ್ತಿದ್ದಾರೆ. ಪಂಚಾಯಿತಿ ವ್ಯಾಪ್ತಿಗಳಲ್ಲಿ ಹಾಗೂ ನಗರಸಭೆ ವ್ಯಾಪ್ತಿಯ ಗ್ರಾಮ ಹಾಗೂ ವಾರ್ಡ್​ಗಳ ಲಾನುಭವಿಗಳ ಅರ್ಜಿ ಸ್ವೀಕರಿಸಲು 40 ಕೌಂಟರ್​ ತೆರೆಯಲಾಗಿದೆ ಎಂದು ಮಾಹಿತಿ ನೀಡಿದರು.

ನಗರಸಭೆ ಪೌರಾಯುಕ್ತ ಕೆ.ಎನ್​.ಹೇಮಂತ್​, ತಾಪಂ ಇಒ ಆಶಾಲತಾ, ಗ್ಯಾರಂಟಿ ಅನುಷ್ಠಾನ ಸಮಿತಿ ತಾಲೂಕು ಅಧ್ಯ ಬಿ.ಎಸ್​.ಗಣೇಶ್​, ಕಾಂಗ್ರೆಸ್​ ನಗರ ಟಕದ ಅಧ್ಯ ಎಸ್​.ಕುಮಾರ್​, ಗ್ರಾಮಾಂತರ ಅಧ್ಯ ಎಚ್​.ಎಲ್​.ಷಡಾರಿ, ನಗರಸಭೆ ಅಧ್ಯೆ ಗೀತಾ ರಾಜ್​ಕುಮಾರ್​, ಉಪಾಧ್ಯ ಬಷೀರ್​ ಅಹಮದ್​, ಚನ್ನಪ್ಪ, ಮಹಮದ್​ ಸನಾವುಲ್ಲಾ, ಎಸ್​.ಮಣಿಶೇಖರ್​, ಸಿ.ಎಂ.ಖಾದರ್​, ಕದಿರೇಶ್​ ಮತ್ತಿತರರಿದ್ದರು.

ಎರಡ್ಮೂರು ತಿಂಗಳಿನಿಂದ ಪಿಂಚಣಿ ಬರುತ್ತಿಲ್ಲ ಎಂಬುದು ನಮ್ಮ ಗಮನದಲ್ಲಿದೆ. ಆಧಾರ್​ ಸೇರಿ ನಾವು ಕೇಳಿರುವ 5 ದಾಖಲೆಗಳು ಹಾಗೂ ನಿಮ್ಮ ಮೊಬೈಲ್​ ಸಂಖ್ಯೆ, ಊರು, ಹೆಸರನ್ನು ಭರ್ತಿ ಮಾಡಿದ ಅರ್ಜಿಯನ್ನು ನೀಡಿದರೆ, ನಾವು ಪರಿಶೀಲನೆ ನಡೆಸಿ ಒಂದು ತಿಂಗಳಲ್ಲಿ ಅರ್ಹರ ಮನೆ ಬಾಗಿಲಿಗೆ ಯೋಜನೆಗಳನ್ನು ಪುನರ್​ ತಲುಪಿಸುವ ಕೆಲಸ ಮಾಡುತ್ತೇವೆ. ಇಲಾಖೆಗೆ ಬಂದಾದರೂ ಅರ್ಜಿ ನೀಡಬಹುದು.

> ಪ್ರದಿಪ್​ ದೇವಗಿರಿ, ತಹಸೀಲ್ದಾರ್​

ಅರ್ಜಿ ಸಲ್ಲಿಸಲು ನೂಕುನುಗ್ಗುಲು

ವೃದ್ಧಾಪ್ಯ, ಅಂಗವಿಕಲ, ವಿಧವಾ ವೇತನ, ಸಂಧ್ಯಾ ಸುರಾ ಪಿಂಚಣಿ ಸ್ಥಗಿತಗೊಂಡಿರುವವರಿಗೆ ಮರು ಸೌಲಭ್ಯ ಒದಗಿಸುವ ನಿಟ್ಟಿನಲ್ಲಿ ಹಳೇನಗರದ ಕನಕಮಂಟಪ ಮೈದಾನದಲ್ಲಿ ಶಾಸಕ ಬಿ.ಕೆ.ಸಂಗಮೇಶ್ವರ್​ ನೇತೃತ್ವದಲ್ಲಿ ಅರ್ಜಿ ಸ್ವೀಕೃತಿ ಸಮಾವೇಶ ಆಯೋಜಿಸಲಾಗಿತ್ತು. ಗ್ರಾಮಾಂತರ ಹಾಗೂ ನಗರ ಪ್ರದೇಶದ ಜನರು ಅರ್ಜಿ ಸಲ್ಲಿಸಲು 40 ಕೌಂಟರ್​ಗಳನ್ನು ತೆರಯಲಾಗಿತ್ತು. ನಗರಸಭೆ, ತಾಲೂಕು ಆಡಳಿತ ಸೇರಿ ವಿವಿಧ ಇಲಾಖಾ ಸಿಬ್ಬಂದಿ ಆಯಾ ಕೌಂಟರ್​ ಬಳಿ ನಿಂತು ಲಾನುಭವಿಗಳಿಂದ ಅರ್ಜಿಗಳನ್ನು ಸ್ವೀಕರಿಸಿದರು. ಮಳೆಯ ನಡುವೆಯೇ ನೂರಾರು ವೃದ್ಧರು, ಅಂಗವಿಕಲರು ಇತರರ ಸಹಾಯ ಪಡೆದು ಅರ್ಜಿ ಸಲ್ಲಿಸಿದರು.