ಎಲ್ಲ ಕಡೆಯೂ ಡಿಜಿಟಲ್ ಇಂಡಿಯಾ ಘೋಷಣೆ ಮೊಳಗುತ್ತಿರುವ ಸಂದರ್ಭದಲ್ಲಿ ಎಸ್ಐಆರ್ ಪ್ರಕ್ರಿಯೆಯಲ್ಲಿ ಆನ್ಲೈನ್ ಮೂಲಕ ಜಿಲ್ಲೆಯಲ್ಲಿ ಇದುವರೆಗೆ ಮಾಹಿತಿ ಅಪ್ಲೋಡ್ ಮಾಡಿರುವವರ ಸಂಖ್ಯೆ ಕೇವಲ 6,196. ಶಿವಮೊಗ್ಗದಲ್ಲಿ 3,045 ಹಾಗೂ ಭದ್ರಾವತಿಯಲ್ಲಿ 1,129 ಮತದಾರರನ್ನು ಬಿಟ್ಟರೆ ಉಳಿದೆಲ್ಲ ಕ್ಷೇತ್ರಗಳಲ್ಲಿ ಆನ್ಲೈನ್ನಲ್ಲಿ ಅಪ್ಲೋಡ್ ಮಾಡಿದವರ ಸಂಖ್ಯೆ ಸಾವಿರಕ್ಕೂ ಕಡಿಮೆಯಿದೆ. ಆಫ್ಲೈನ್ ಮೂಲಕ ಇ-ಫಾರ್ಮ್ ನೀಡುವುದರಿಂದ ಮುಂದಿನ ದಿನಗಳಲ್ಲಿ ಏನೇ ವ್ಯತ್ಯಾಸವಾದರೂ ಬಿಎಲ್ಒ ಬಳಿ ಕೇಳಬಹುದು. ಆನ್ಲೈನ್ನಲ್ಲಿ ಮಾಹಿತಿ ಸಲ್ಲಿಸಿ ವ್ಯತ್ಯಾಸವಾದರೆ ಯಾರನ್ನೂ ಕೇಳುವಂತಿಲ್ಲ ಎಂಬ ಕಾರಣಕ್ಕೆ ಜನರು ಆನ್ಲೈನ್ನತ್ತ ಹೆಚ್ಚಿನ ಒಲವು ತೋರಿದಂತಿಲ್ಲ.
