ಸಿದ್ದಗಂಗಾ ಮಠದಲ್ಲಿ ಜಿಲ್ಲಾ ಹಾಗು ತಾಲೂಕು ಶರಣ ಸಾಹಿತ್ಯ ಪರಿಷತ್ತಿನ ವತಿಯಿಂದ ಬುಧವಾರ ಹಮ್ಮಿಕೊಂಡಿದ್ದ ಲಿಂಗೈಕ್ಯ ಮಾದೇನಹಳ್ಳಿ ಮಲ್ಲಿಕಾರ್ಜುನಯ್ಯನವರ ಸಾಮಾಜಿಕ ಸೇವಾನಿಷ್ಠೆ ವಿಚಾರ ಸಂಕಿರಣದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಶರಣರು ಬದುಕಿದ ರೀತಿ ಎಂದೆಂದಿಗೂ ಆದರ್ಶ. ಬ್ರಹ್ಮಚಾರಿಯಾಗಿ ಬದುಕಿದ್ದ ಮಲ್ಲಿಕಾರ್ಜುನಯ್ಯ ಅತ್ಯಂತ ಬಡತನದಲ್ಲಿ ಬಂದು, ಶ್ರೀ ಶಿವಕುಮಾರಸ್ವಾಮಿಗಳ ಆದೇಶದಂತೆ ಮೈಸೂರಿನಲ್ಲಿ ಓದಿ, ನಂತರ ಬೆಂಗಳೂರಿನಲ್ಲಿ ಉದ್ಯೋಗಿಯಾಗಿ ನೂರಾರು ಸಾಹಿತಿಗಳೊಂದಿಗೆ ಪತ್ರ ವ್ಯವಹಾರ ಮಾಡುತ್ತಾ ಸಾಹಿತ್ಯ ಪರಿಚಾರಕರೂ ಆಗಿದ್ದರು. ಕುವೆಂಪು, ಶಿವರಾಮಕಾರಂತ, ಹರಿದಾಸಭಟ್ಟ, ವಿ.ಸೀತಾರಾಮಯ್ಯರವರೊಂದಿಗೆ ನೂರಾರು ಪತ್ರ ಬರೆದವರು ಎಂದು ಶ್ಲಾಘಿಸಿದರು.
