ಒಬ್ಬ ವ್ಯಕ್ತಿ ತನ್ನ ಸಾಮರ್ಥ್ಯ ಮತ್ತು ಸಾಧನೆಯ ಬಗ್ಗೆ ಅನುಮಾನ ಮತ್ತು ಆಂತರಿಕ ಭಯ ಹೆಚ್ಚಾಗಿ ಕಾಣಿಸಿಕೊಳ್ಳುವುದು ಇಂಪೋಸ್ಟರ್ ಸಿಂಡ್ರೋಮ್ ಎಂಬ ಮಾನಸಿಕ ಸಮಸ್ಯೆಯ ಗುಣಲಕ್ಷಣ. ಬಹುತೇಕ ಜೆನ್ ಝುಡ್ನವರು ಇಂಪೋಸ್ಟರ್ ಸಿಂಡ್ರೋಮ್ಂದ ಬಳಲುತ್ತಿದ್ದಾರೆ. ಇದಕ್ಕೆ ಪ್ರಮುಖ ಕಾರಣವೆಂದಲೆ ಸೆಲ್ಪ್ ಟ್ರೋಲಿಂಗ್. ಈ ಮಾನಸಿಕ ಸಮಸ್ಯೆಗೆ ಮೊದಲು ಗುರಿಯಾದವರು ಮಿಲೇನಿಯಲ್ಸ್ ಎಂದು ಫೋರ್ಬ್ಸ್ ಸಂಸ್ಥೆಯ ಸಮೀಕ್ಷೆ ತಿಳಿಸುತ್ತದೆ. ಸಾಮಾಜಿಕ ಜಾಲತಾಣದಲ್ಲಿ ಮೊದಲು ಒಳ್ಳೆಯ ಪೋಟೋ, ಸಾಧನೆಗಳ ಪಟ್ಟಿ, ಬುದ್ಧಿವಂತ ಮಾತು ಮುಂತಾದ ಪಾಸಿಟಿವ್ ವಿಷಯಗಳನ್ನು ಹೆಚ್ಚಾಗಿ ನೋಡಬಹುದಾಗಿತ್ತು. ತಮ್ಮ ವ್ಯಕ್ತಿತ್ವದ ಒಳ್ಳೆಯ ಅಂಶಗಳನ್ನು ಹಂಚಿಕೊಳ್ಳುತ್ತಿದ್ದರು. ಈಗಲೂ ಅವುಗಳನ್ನು ನೋಡಬಹುದು, ಆದರೆ ಸ್ವಯಂ ಅವಹೇಳನಕಾರಿ ಮಾತುಗಳ ಮಧ್ಯೆ ಮರೆಯಾಗುತ್ತಿವೆ. ಈ ಮನಸ್ಥಿತಿಗೆ ಕಾರಣವನ್ನು ಹುಡುಕುತ್ತ ಹೋದರೆ ಪಾಪ್ ಸಂಸ್ಕೃತಿಯ ಸಿನಿಮಾ, ಹಾಡು, ಶೋಗಳ ಕಡೆ ಮುಖ ಮಾಡಬೇಕಾಗುತ್ತದೆ. ಅಲ್ಲಿನ ಮಾತುಗಳಿಂದ ಪ್ರೇರಿತವಾಗಿ ಪ್ರತಿ ಸಂಭಷಣೆಯಲ್ಲೂ ಸ್ವಯಂ ಅವಹೇಳನಕಾರಿ ಹಾಸುಹೊಕ್ಕಾಗಿದೆ. ಸಾಧನೆಯನ್ನು ಮಾಡಿದಾಗ ಬಂಧು-ಮಿತ್ರರು ಶುಭಾಶಯವನ್ನು ಕೋರಿ ಹೊಗಳಿದಾಗ ಕೇವಲ ಲಕ್ ಎಂದು ಹೇಳುತ್ತಾರೆ. ಗೆಲುವಿಗೆ ಅವಶ್ಯಕತೆ ಇರುವ ಎಲ್ಲ ಪ್ರಯತ್ನಗಳನ್ನು ಮರೆತು ನಾನೇನೂ ಮಾಡಿಲ್ಲ ಎಂದು ಹೇಳಿ ನಾಚುವುದು ಎಷ್ಟು ಸರಿ? ಬಾಸ್ಟನ್ನಲ್ಲಿ ಹಾರ್ವರ್ಡ್ ವ್ಯವಹಾರ ವಿಮರ್ಶೆ ನಡೆಸಿದ ಸಮೀಕ್ಷೆಯ ಪ್ರಕಾರ ಶೇ. 70ಕ್ಕೂ ಹೆಚ್ಚು ಮಂದಿ ಹೊಗಳಿಕೆಯಿಂದ ಅನನುಕೂಲಕ್ಕೆ ಒಳಗಾಗುತ್ತಾರೆ ಎಂದು ತಿಳಿದು ಬಂದಿದೆ. ಕೆಲವರಿಗೆ ಪೊ›ತ್ಸಾಹದ ಮಾತಿನಿಂದ ಆತಂಕ ಸೃಷ್ಟಿಯಾಗುತ್ತದೆ. ಬಹಳ ಕಷ್ಟಪಟ್ಟು ಸಾಧನೆಯನ್ನು ಮಾಡಿರುತ್ತಾರೆ ಆದರೆ ಅದರಿಂದ ಸಿಗುವ ಅಭಿನಂದನೆಯನ್ನು ಸ್ವೀಕರಿಸುವ ದೈರ್ಯ ಇರುವುದಿಲ್ಲ. ಇದಕ್ಕೆ ಮುಖ್ಯ ಕಾರಣ ಹೊಗಳಿಕೆಯ ಮಾತು ಹಾಗೂ ನನ್ನ ವ್ಯಕ್ತಿತ್ವಕ್ಕೆ ಸರಿ ಹೊಂದುತ್ತಿಲ್ಲ ಎಂಬ ಭಾವನೆ ಇರುತ್ತದೆ. ಇದರ ಜತೆ ಮತ್ತೊಂದು ಕಾರಣ ಅತಿಯಾದ ವಿನಮ್ರತೆ. ಅದು ಒಳ್ಳೆಯದೇ, ಆದರೆ ಕೆಲಸಕ್ಕೆ ತಕ್ಕ ಪ್ರಶಂಸೆ ಬಂದರೆ ಜೋಕ್ಗೆ ನಕ್ಕಂತೆ ಹೊಗಳಿಕೆಗೂ ನಕ್ಕು ಸ್ವಾಗತಿಸಬೇಕು ಮತ್ತು ಹಂಚಿಕೊಳ್ಳಬೇಕು. ಇದರಿಂದ ಒಳ್ಳೆಯ ವಾತಾವರಣ ಸೃಷ್ಟಿ ಆಗುವುದರೊಂದಿಗೆ ಮುಂದಿನ ಕಾರ್ಯಗಳಿಗೆ ಪ್ರೇರಣೆಗೆ ಸಹಾಯವಾಗುತ್ತದೆ.
