ನಿರಾಶ್ರಿತರ ಕೇಂದ್ರದಲ್ಲಿ ಆರೈಕೆ: ದಕ್ಷಿಣ ವಿಭಾಗದ ಕುಮಾರಸ್ವಾಮಿ ಲೇಔಟ್, ತಲಘಟ್ಟಪುರ, ಸಂಪಿಗೆಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯ ರಾಚೇನಹಳ್ಳಿ, ಮೇಸ್ತ್ರಿಪಾಳ್ಯ, ವಿಧಾನಸೌಧ ಲೇಔಟ್ನಲ್ಲಿರುವ ಬಡ ಕಾರ್ವಿುಕರ ಶೆಡ್ಗಳು, ತಿರುಮೇನಹಳ್ಳಿ ರೋಹಿಂಗ್ಯ ನಿರಾಶ್ರಿತರ ಶೆಡ್ಗಳಲ್ಲಿ ವಾಸವಿರುವ ನೂರಾರು ಜನರಿಗೆ ಪೊಲೀಸರು ಬೆಳಗಿನ ತಿಂಡಿ ಮತ್ತು ರಾತ್ರಿ ಊಟ ವಿತರಿಸಲು ಆರಂಭಿಸಿದ್ದಾರೆ. ಅಲ್ಲದೆ, ಆಯಾ ಠಾಣೆಗಳಲ್ಲಿ ‘ಕಮ್ಯೂನಿಟಿ ಕಿಚನ್ಸ್’ ಹಾಗೂ ‘ನಿರಾಶ್ರಿತರ ಕೇಂದ್ರ’ಗಳನ್ನು ತೆರೆಯಲಾಗಿದೆ. ಶನಿವಾರ ರಾತ್ರಿ 500 ಜನರಿಗೆ ಊಟ, ಭಾನುವಾರ ಬೆಳಗ್ಗೆ 650 ಜನರಿಗೆ ಉಪಾಹಾರ ವಿತರಿಸಲಾಗಿದೆ. ಇದೇ ಪ್ರಮಾಣದಲ್ಲಿ ರಾತ್ರಿಯ ಊಟ ವಿತರಿಸಲಾಗುತ್ತಿದೆ. ಇದಕ್ಕೆ ಆರ್.ಕೆ. ಹೆಗಡೆ ನಗರದ ರಾಜಸ್ಥಾನ ಸೇವಾ ಸಂಘ ಸೇರಿ ಇನ್ನು ಕೆಲ ಸಂಘ- ಸಂಸ್ಥೆಗಳು, ದಾನಿಗಳು ಕೈ ಜೋಡಿಸಿದ್ದಾರೆ. ಬಡವರ ನೆರವಿಗೆ ಧಾವಿಸಿದರೆ ವ್ಯವಸ್ಥೆ ಮಾಡಲಾಗುವುದು ಎಂದು ದಕ್ಷಿಣ ವಿಭಾಗದ ಡಿಸಿಪಿ ರೋಹಿಣಿ ಕಟೋಚ್ ಸಪೆಟ್ ತಿಳಿಸಿದ್ದಾರೆ.
