ಸಾಹಿತಿ ಪ್ರೊ. ಮಲ್ಲೇಪುರಂ ಜಿ. ವೆಂಟಕೇಶ್ ಮಾತನಾಡಿ, ರಾಜ್ಯದ ವಿವಿಧ ಭಾಗದ ಲೇಖಕರು, ಸಾಹಿತಿಗಳು ಬರೆದಿರುವ 69 ಪುಸ್ತಕಗಳು ವೈವಿಧ್ಯತೆಯಿಂದ ಕೂಡಿದ್ದು, ಇವುಗಳಲ್ಲಿ ಅತೀ ಹೆಚ್ಚು ಕಾದಂಬರಿ ಹಾಗು ಮಕ್ಕಳ ಸಾಹಿತ್ಯ ಕೃತಿಗಳಿವೆ. ಇವುಗಳ ಹೊರತಾಗಿ ವಿಮರ್ಶೆ, ಸಂಶೋಧನಾ, ಇಂಗ್ಲಿಷ್, ಮರಾಠಿ, ಸಂಸ್ಕೃತದಿಂದ ಕನ್ನಡಕ್ಕೆ ಅನುವಾದಗೊಂಡಿರುವ ಸಾಹಿತ್ಯ, ನಾಟಕ, ಜನಪದ ಸಾಹಿತ್ಯ, ನಗೆ ಸಾಹಿತ್ಯ, ಜೀವನ ಸಾಹಿತ್ಯ, ಓದುಗರನ್ನು ಹಿಡಿದಿಡುವಂತಿದ್ದು, ಕನ್ನಡ ಸಾಹಿತ್ಯದ ವಿಸ್ತಾವರನ್ನು ಹೆಚ್ಚಿಸಿವೆ. ಹದಿಹರೆಯದ ಸಮಸ್ಯೆಗಳ ಕುರಿತ ಕೃತಿಯು ಪೋಷಕರ ಪಾತ್ರದ ಕುರಿತು ಎಚ್ಚರಿಸಲಿದೆ. ಇವಲ್ಲದೆ ಸಂಕೀರ್ಣ ಬರಹಗಳು, ಅನೇಕ ಶುಭಾಷಿತ ಬರಹಗಳು, ವಿಜ್ಞಾನ ಸಾಹಿತ್ಯ, ಪ್ರಬಂಧಗಳು ಇವೆ. ಹೊಸ ಬರಹಗಾರರು ಪ್ರಬಂಧಗಳನ್ನು ಇನ್ನಷ್ಟು ಬರೆಯಬೇಕು. ಸಂಶೋಧನಾ ಕೃತಿಗಳನ್ನು ಬರೆಯುವ ಲೇಖಕರು ಆಕರಗಳನ್ನು ಸರಿಯಾಗಿ ಸಂಗ್ರಹಿಸಬೇಕು. ವಿಮರ್ಶೆ ಮತ್ತು ಸಂಶೋಧನಾ ಕೃತಿಕಾರರು ಬರವಣಿಗೆಯಲ್ಲಿ ಸ್ಪಷ್ಟತೆ ಮತ್ತು ಖಾಚಿತ್ಯತೆ ಹೊಂದಿರಬೇಕು. ಹಾಗೆಯೇ ಪುಸ್ತಕ ಪ್ರಕಟಣೆಗು ಮುನ್ನ ಕರುಡು ತಿದ್ದುವ ಕಾರ್ಯ ಸಮರ್ಪಕವಾಗಿ ಆಗಬೇಕು ಎಂದು ಸಲಹೆ ನೀಡಿದರು.
