ಸದಾ ಜೀವಂತಿಕೆಯಿಂದ ಕೂಡಿರುವ ರಂಗಭೂಮಿ

ತುಮಕೂರು: ರಂಗಕಲೆ ಈ ಮಣ್ಣಿನ ಕಲೆ. ರಂಗಭೂಮಿಯಲ್ಲಿ ಸದಾ ಜೀವಂತಿಕೆ ಇದ್ದೇ ಇರುತ್ತದೆ ಎಂದು ಚಲನಚಿತ್ರ ನಿರ್ದೇಶಕ ಪಿ.ಶೇಷಾದ್ರಿ ಹೇಳಿದರು.

ನಗರದ ಕನ್ನಡ ಭವನದಲ್ಲಿ ಭಾನುವಾರ ಸಂಜೆ ಸಮ್ಮುಖ ರಂಗಸಂಪನ್ಮೂಲ ಕೇಂದ್ರದ ವತಿಯಿಂದ ಆಯೋಜಿಸಿದ್ದ ಸಮಾರಂಭದಲ್ಲಿ ನಾಟಕ ಅಕಾಡೆಮಿ ಪ್ರಶಸ್ತಿ ಪುರಸತ ಕಲಾವಿದ ಎ.ಎಸ್​.ಎ.ಖಾನ್​ರನ್ನು ಅಭಿನಂದಿಸಿ ಮಾತನಾಡಿದ ಅವರು, ಒಂದು ಕಲೆ ಇನ್ನೊಂದು ಕಲೆಯನ್ನು ನಾಶ ಮಾಡುವುದಿಲ್ಲ. ಚಲನಚಿತ್ರ, ಟಿವಿ ಮಾಧ್ಯಮಗಳ ಪ್ರಭಾವದಿಂದ ರಂಗಭೂಮಿಗೆ ಧಕ್ಕೆಯಾಗುವುದಿಲ್ಲ ಎಂದರು.

ತುಮಕೂರಿನ ಮಣ್ಣಿನಲ್ಲಿ ರಂಗಭೂಮಿಯ ಕಲೆ ಜೀವಂತವಾಗಿದೆ. ಮಹಾನ್​ ಕಲಾವಿದರು ಈ ಮಣ್ಣಿನಲ್ಲಿ ಹುಟ್ಟಿ ಕಲೆಯನ್ನು ಬೆಳಗಿದರು. ವರನಟ ಡಾ.ರಾಜ್​ಕುಮಾರ್​ ತುಮಕೂರಿನ ಮಣ್ಣಿನ ಕಲೆಯ ಗುಣವನ್ನು ಹಾಡಿಹೊಗಳಿದ್ದರು. ಇಂತಹ ತುಮಕೂರಿನಲ್ಲಿ ರಂಗಕಲೆಯ ಮರುಉತ್ಥಾನ ಆಗಬೇಕು ಎಂದು ಆಶಿಸಿದರು.

ಎ.ಎಸ್​.ಎ.ಖಾನ್​ ತಮ್ಮ ಹಲವಾರು ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಹಲವು ಪಾತ್ರಗಳಲ್ಲಿ ಅಭಿನಯಿಸಿ ಜೀವ ತುಂಬಿದ್ದಾರೆ. ಎಲೆಮರೆಕಾಯಿಯಂತೆ ಕೆಲಸ ಮಾಡಿಕೊಂಡಿದ್ದ ಖಾನ್​ರನ್ನು ಗುರುತಿಸಿ ಅಕಾಡೆಮಿ ಪ್ರಶಸ್ತಿ ನೀಡಿರುವುದು ಸಂತಸದ ವಿಚಾರ. ಕನ್ನಡ ಭಾಷೆ, ಸಂಸತಿ, ಸಾಹಿತ್ಯ ಪ್ರೀತಿ ಹೊಂದಿರುವ ಖಾನ್​ ಸುಸಂಸತ, ಸಜ್ಜನ ಕಲಾವಿದ. ಯಾವುದೇ ಪ್ರಶಸ್ತಿ ನೀಡುವುದು ಆ ಕಲಾವಿದನ ಜವಾಬ್ದಾರಿ ಹೆಚ್ಚಿಸಲು, ಮತ್ತಷ್ಟು ಕೆಲಸ ಮಾಡಲು ಎಂದರು.

ಎಚ್​ಎಂಟಿ ಕಾರ್ಖಾನೆ ಜಿಲ್ಲೆಯಲ್ಲಿ ಕೇವಲ ಆರ್ಥಿಕ ಚಟುವಟಿಕೆ ಹೆಚ್ಚು ಮಾಡಲಿಲ್ಲ. ಕಲಾಶ್ರೀಮಂತಿಕೆಯನ್ನೂ ತಂದುಕೊಟ್ಟಿತು. ಎಚ್​ಎಂಟಿಯ ಕಲಾವಿದರು ದೇಶಾದ್ಯಂತ ನಾಟಕ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಬಹುಮಾನಗಳನ್ನು ಹೊತ್ತು ತರುತ್ತಿದ್ದರು. ತುಮಕೂರಿಗೆ ಕೀರ್ತಿ ತಂದಿದ್ದರು. ಆ ವೈಭವದ ದಿನ ಮರುಕಳಿಸಬೇಕು ಎಂದು ಹಿರಿಯ ರಂಗಭೂಮಿ ಕಲಾವಿದ, ಹರಿಕಥ ವಿದ್ವಾನ್​ ಡಾ.ಲಕ್ಷ್ಮಣದಾಸ್​ ಹೇಳಿದರು.

ಎಚ್​ಎಂಟಿ ಸಾಂಸ್ಕತಿಕವಾಗಿ ದೊಡ್ಡ ಕೊಡುಗೆ ನೀಡಿದೆ. ಅಂದಿನ ರಂಗ ಚಟುವಟಿಕೆಗಳು ನಾಡಿನಾದ್ಯಂತ ಹೆಸರಾಗಿದ್ದವು. ಆ ರಂಗಶ್ರೀಮಂತಿಕೆಯ ದಾಖಲಾಗಲಿಲ್ಲ. ನಮ್ಮ ಸುತ್ತಮುತ್ತ ಕೆಟ್ಟ ಕೆಲಸಗಳೇ ದಾಖಲಾಗುತ್ತಿರುತ್ತವೆ. ಒಳ್ಳೆಯ ಕೆಲಸಗಳನ್ನು ದಾಖಲು ಮಾಡದಿದ್ದರೆ ಕೆಟ್ಟ ಕೆಲಸಗಳು ವಿಜೃಂಭಿಸಿಬಿಡುತ್ತವೆ ಎಂದು ಸಮ್ಮುಖ ರಂಗಸಂಪನ್ಮೂಲ ಕೇಂದ್ರದ ಅಧ್ಯಕ್ಷ ಕೆ.ಎಸ್​.ಸತೀಶ್​ ತಿಳಿಸಿದರು.

ಎಚ್​ಎಂಟಿ ನಿವೃತ್ತ ಅಧಿಕಾರಿ ಡಾ.ಜಿ.ವೆಂಕಟೇಶಲು, ನಾಟಕ ಅಕಾಡೆಮಿ ಸದಸ್ಯ ಉಗಮ ಶ್ರೀನಿವಾಸ್​, ಸಮ್ಮುಖ ರಂಗಸಂಪನ್ಮೂಲ ಕೇಂದ್ರದ ಉಪಾಧ್ಯಕ್ಷ ಕರಣಂ ರಮೇಶ್​, ಕಾರ್ಯದರ್ಶಿ ಟಿ.ಸಿ.ಜಯಪ್ರಕಾಶ್​, ನಿರ್ದೇಶಕರಾದ ಸುಷ್ಮಾ, ರವೀಂದ್ರ ಕೆಂಚಮಾರಯ್ಯ, ಮಂಜುನಾಥ್​, ಸಂಜನ್​ ನಾಗರಾಜ್​ ಮತ್ತಿತರರು ಉಪಸ್ಥಿತರಿದ್ದರು.