ಅಸಾಧಾರಣ ಸಾಧನೆಗೆ ಪುಸ್ತಕಗಳನ್ನು ಓದಿ, ಪ್ರತಿ ಪುಸ್ತಕದ ಹೆಸರು ಹೇಳುವುದು, ಲೇಖಕ ಮತ್ತು ಪ್ರಕಾಶಕರನ್ನು ಉಲ್ಲೇಖಿಸುವುದು, ಪುಸ್ತಕದ ಸಾರಾಂಶ ನೀಡುವುದಲ್ಲದೇ ಪ್ರತಿ ಪುಸ್ತಕಕ್ಕೆ ರೇಟಿಂಗ್ ಕೊಟ್ಟು, ವಿವರವಾದ ಪ್ರತಿಕ್ರಿಯೆ ಹಾಗೂ ಶಿಫಾರಸು ಒದಗಿಸಬೇಕು, ಪ್ರತಿಯೊಂದು ಪುಸ್ತಕವು ಯಾವ ವಯಸ್ಸಿನ ಮಕ್ಕಳಿಗೆ ಸೂಕ್ತ ಎಂಬುದನ್ನೂ ಸೂಚಿಸಬೇಕಿದ್ದು, 4 ಗಂಟೆಗಳಲ್ಲಿ 100 ಪುಸ್ತಕಗಳನ್ನು ಈ ಎಲ್ಲ ಮಾನದಂಡಗಳಲ್ಲಿ ವಿಮರ್ಶಿಸಿದ ಬಾಲಕಿ ಸಮರಾ ಎಲೈಟ್ ವರ್ಲ್ಡ್ ರೆಕಾರ್ಡ್ಸ್, ಏಷಿಯನ್ ಬುಕ್ ಆಫ್ ರೆಕಾರ್ಡ್ಸ್ ಮತ್ತು ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಸ್ನಲ್ಲಿ ಹೆಸರು ದಾಖಲಿಸಿಕೊಂಡಿದ್ದಾರೆ. ಸಾಧನೆ ಮೂಲಕ, ಸಮರಾ ಪುಸ್ತಕಗಳ ಮೇಲೆ ಇರುವ ಪ್ರೀತಿ ಮಾತ್ರವಲ್ಲದೆ, ಅವರು ಹೊಂದಿರುವ ವಿಶ್ಲೇಷಣಾ ಕೌಶಲ ಮತ್ತು ಚಿಕ್ಕ ವಯಸ್ಸಿನಲ್ಲಿಯೇ ಓದಿನಲ್ಲಿನ ತೊಡಗುವಿಕೆಯನ್ನೂ ತೋರ್ಪಡಿಸಿದ್ದಾರೆ. ಅಂದಹಾಗೆ ವಿದ್ಯಾರ್ಥಿನಿ ಸಮರಾ ಯುಮನ್ ಅವರು ಕನಕಪುರ ತಾಲೂಕು ಬೂದಿಕೆರೆಯ ಮಹಮದ್ ಮುಜಾಹಿದ್ ಹಾಗೂ ತಾರಿನ್ ಮುಜಾಹಿದ್ ದಂಪತಿಯ ಪುತ್ರಿ.
