ಹಳಿ ತಪ್ಪಿದ ಬೆಂಗಳೂರು- ತಾಳಗುಪ್ಪ ಎಕ್ಸ್​ಪ್ರೆಸ್​: ರಾತ್ರಿ ನಡೆದ ಅನಾಹುತ

ಶಿವಮೊಗ್ಗ: ಬೆಂಗಳೂರು-ತಾಳಗುಪ್ಪ ಎಕ್ಸ್​ಪ್ರೆಸ್ ರೈಲು ಶಿವಮೊಗ್ಗ ಜಿಲ್ಲೆಯ ಸೂಡೂರು ಬಳಿ ಹಳಿ ತಪ್ಪಿರುವ ಘಟನೆ ನಿನ್ನೆ ಡಿ.31ರ ರಾತ್ರಿ ಸುಮಾರು 9 ಗಂಟೆಗೆ ನಡೆದಿದೆ.

ಈ ರೈಲು ನಿನ್ನೆ ಮಧ್ಯಾಹ್ನ 3 ಗಂಟೆಗೆ ಬೆಂಗಳೂರಿನಿಂದ ತಾಳಗುಪ್ಪಕ್ಕೆ ಹೊರಟಿತ್ತು. ಕುಂಸಿಯಿಂದ ಸ್ವಲ್ಪ ದೂರವಿರುವ ಸೂಡೂರು ಹತ್ತಿರ ರೈಲು ಹಳಿತಪ್ಪಿದೆ. ಚಾಲಕನ ಸಮಯಪ್ರಜ್ಞೆಯಿಂದ ಯಾವುದೇ ಪ್ರಾಣಾಪಾಯವಾಗಿಲ್ಲ.

ನಿನ್ನೆ ಸಂಜೆಯಷ್ಟೆ ಹೊಸದಾಗಿ ಹಳಿ ಪಕ್ಕದಲ್ಲಿ ಜಲ್ಲಿ ಹಾಕಲಾಗಿತ್ತು. ಅದು ಹಳಿಯ ಮೇಲೆ ಬಿದ್ದು ರೈಲು ಇಂಜಿನ್​ನ ಮುಂದಿನ ಎರಡು ಚಕ್ರವು ಹಳಿ ತಪ್ಪಿದೆ ಎಂದು ತಿಳಿದುಬಂದಿದೆ.

ಘಟನೆ ಸಂಭವಿಸಿದ ಕೂಡಲೇ ಇಂಜಿನಿಯರಿಂಗ್ ಸ್ಟಾಫ್, ಡಾಕ್ಟರ್ಸ್ ಸ್ಟಾಫ್​ಗಳನ್ನು ಕರೆಸಿ ತ್ವರಿತ ಕಾರ್ಯ ನಡೆಸಲಾಗಿದೆ. ಇದರಿಂದಾಗಿ ಕೆಲ ಸಮಯ ಸಂಚಾರ ಅಸ್ತವ್ಯಸ್ತವಾಗಿದ್ದರಿಂದ ರಾತ್ರಿ 10.30ರ ವೇಳೆಗೆ ತಾಳಗುಪ್ಪದಿಂದ ಬೆಂಗಳೂರಿಗೆ ತೆರಳಲು ಇದ್ದ ರೈಲು ರದ್ದಾಯಿತು.

ಪ್ರಯಾಣಿಕರೇ ಪರ್ಯಾಯ ವ್ಯವಸ್ಥೆ ಮಾಡಿಕೊಂಡು ಊರುಗಳಿಗೆ ತೆರಳಿದ್ದಾರೆ ಎನ್ನಲಾಗಿದೆ.

https://www.vijayavani.net/s-26-arrested-for-vandalising-hindu-temple-in-northwest-pakistan/

https://www.vijayavani.net/s-bank-holiday-in-jan-2021/

https://www.vijayavani.net/s-jio-free-call-service/